Forgarður Helvítis

Forgarður Helvítis er íslensk grindcore-pönksveit sem var stofnuð árið 1991. Hljómsveitin hefur gefið út eina breiðskífu og nokkrar demó-upptökur. Efni frá Forgarðinum hefur komið út á fjölmörgum safn-plötum/-diskum/-spólum víðsvegar um heiminn.

Sagan

Forgarður Helvítis var stofnuð árið 1991 af frændunum Vernharði og Sigurgrími. Innblásnir af grófustu framvarðasveitum rokksins á þessum tíma fengu þeir til liðs við sig frændur sína Magnús trommuleikara og Sigurð, Sigga Pönk, textasmið. Auk þess var Kári fenginn sem bassaleikari.

Fyrstu tónleikar Forgarðsins voru haldnir í kjallara Fjölbrautaskóla Suðurlands. Tónleikahald hefur löngum verið fastur en óreglulegur liður í starfsemi sveitarinnar en Sigurður Pönkari hefur í gegn um tíðina verið ötull skipuleggjari neðanjarðarrokktónleika. Þegar fram liðu stundir ílentist Kári bassaleikari erlendis svo fenginn var liðsauki í Magnúsi Pálssyni, sem reyndist einnig tilheyra frændgarði Garðverja.

Meðlimir

• Sigurður Harðarson - söngur (1991-)
• Vernharður Reynir Sigurðsson - gítar (1991-)
• Magnús Másson - trommur (1991-2001, 2003-)
• Magnús Halldór Pálsson - bassi (1998-)
• Ólafur Árni Másson - Gítar (2005-)

Fyrrverandi meðlimir

• Kári Örlygsson - bassi (1991-1998)
• Sigurgrímur Jónsson - gítar (1991-2007), trommur (2001-2002)

Afleysingameðlimir

• Kristján Einar Guðmundsson - trommur (2002)

Útgáfur

Breiðskífur

• Gerningaveður (2002)

Safnplötur

• dordingull.com (2002)
• Afmæli í Helvíti (2001)
• Helvíti sessions (2000)
• Suðurlandsskjálftinn (1993)

Demó

• Brennið kirkjur (1995)

Tenglar

• Opinber vefsíða Forgarðs Helvítis
• Glatkistan