Fjarvinna

Úr Wikipediu, frjálsa alfræðiritinu
Stökkva á: flakk, leita
Samnýtt skrifstofurými í Berlín

Fjarvinna er vinnufyrirkomulag þar sem starfsmenn vinna vinnu sína utan vinnustaðar, til dæmis á flakki, á heimaskrifstofu, á starfsstöð langt frá vinnu eða í samnýttu skrifstofurými. Fjarvinna reiðir sig oft á öfluga fjarskiptatækni. Fjarvinna getur verið nauðsyn fyrir lítil fyrirtæki og sprotafyrirtæki sem ekki hafa yfir föstu húsnæði að ráða. Ástæða fjarvinnu getur líka verið dreifing viðskiptavina.

Kostir fjarvinnu geta meðal annars verið að minnka starfsmannaveltu og draga úr ferðalögum í og úr vinnu. Fjarvinna getur líka aukið möguleika fyrirtækis til að ráða starfsmenn sem eiga erfitt með að mæta reglulega á vinnustað, til dæmis vegna fötlunar, annarra starfa eða fjarlægðar frá heimili. Ókostir fjarvinnu geta meðal annars verið einangrun frá samstarfsfólki, skortur á hvatningu og samskiptum augliti til auglitis sem eru mikilvæg til að byggja upp tengsl og traust innan fyrirtækis. Vinnumat getur líka orðið flóknara fyrir bæði starfsmann og vinnuveitanda og það getur haft áhrif á framgangsmöguleika.

Tenglar[breyta | breyta frumkóða]

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.