Femínistafélag Háskóla Íslands
Femínistafélag Háskóla Íslands er félag nema við Háskóla Íslands sem berjast fyrir jafnrétti kynjanna. Félagið stendur fyrir reglulegum, fjölbreyttum viðburðum til að efla vitund um stöðu kynjanna í heiminum. Félagið var stofnað 21. september árið 2007.
14.–16. mars 2017 hélt félagið í fyrsta sinn Túrdaga og 19.–21. mars 2018 voru þeir haldnir í annað sinn. Þeir voru ætlaðir til að opna umræðuna um túr og túrtengd málefni. 2019 breytti félagið Túrdögum í Píkudaga til að geta fjallað um víðtækari efni tengd píkunni.
Forseti félagsins 2022–2023 er Unndís Ýr Unnsteinsdóttir.