Føroysk orðabók
Føroysk orðabók – (Færeysk orðabók) – er færeysk–færeysk orðabók, sem kom út 1998 í ritstjórn Jóhans Hendrik Winther Poulsen.
Þetta er fyrsta færeyska orðabókin með skýringum á færeysku, og hefur að geyma um það bil 65.700 uppflettiorð og um 70.000 notkunardæmi á tæplega 1.500 blaðsíðum. Þar með er færeyska síðasta lifandi norðurgermanska tungumálið sem hefur eignast ítarlega móðurmáls-orðabók. Vinnan við orðabókina stóð yfir í um 40 ár, ef allur undirbúningur er meðtalinn.
Orðabókin miðast við ríkjandi færeyska málstefnu, það er vandað færeyskt mál. Þess vegna er erlendum tökuorðum sleppt, ef þau eru ekki með fullri vissu orðin hluti af færeyskum orðaforða.
Netútgáfa
[breyta | breyta frumkóða]Frá árinu 2007 hefur orðabókin verið aðgengileg á netinu. Hægt er að leita að uppflettiorðum, en gæta þarf þess að nota færeysku stafina á, ð, í, ó, ú, ý, æ og ø. Hægt er að fella niður bókstafi í upphafi eða enda orðs með því að nota *. Netútgáfan er í meginatriðum eins og prentaða útgáfan.
Heimild
[breyta | breyta frumkóða]- Jóhan Hendrik W. Poulsen o.fl.: Føroysk orðabók. Føroya Fróðskaparfelag, Tórshavn 1998, ISBN 99918-41-52-0 (óbundin, 1483 bls.), ISBN 99918-41-53-9 (innbundin í 2 bókum), ISBN 99918-41-54-7 (CD-ROM)
- Fyrirmynd greinarinnar var „Føroysk orðabók“ á þýsku útgáfu Wikipedia. Sótt 5. desember 2010.
Vefsíður
[breyta | breyta frumkóða]- Føroysk orðabók – Leitarvél Geymt 17 maí 2008 í Wayback Machine
- Orðabókagrunnurin Geymt 20 mars 2007 í Wayback Machine
- Orðalistar Geymt 30 júlí 2009 í Wayback Machine — Færeysk fræðiorð og nýyrði.
- Føroysk orðabók – Ritfregn[óvirkur tengill] — Íslenska málfræðifélagið og Málvísindastofnun Háskóla Íslands.