Túnfífill

Túnfífill
	; Túnfífill (efri mynd) og biðukolla (neðri mynd)
Vísindaleg flokkun
Ríki:	Jurtaríki (Plantae);
Fylking:	Dulfrævingar (Magnoliophyta);
Flokkur:	Tvíkímblöðungar (Magnoliopsida);
Ættbálkur:	Körfublómabálkur (Asterales);
Ætt:	Körfublómaætt (Asteraceae);
Ættkvísl:	Túnfíflar (Taraxacum); Cass.
Tvínefni
	Taraxacum officinale; (L.) Weber ex F.H.Wigg.
Samheiti
	Crepis taraxacum (L.) Stokes; Leontodon taraxacum L.; Leontodon vulgare Lam.; Taraxacum campylodes G.E.Haglund; Taraxacum dens-leonis Desf.; Taraxacum mexicanum DC.; Taraxacum retroflexum Lindl.; Taraxacum subspathulatum A.J. Richards; Taraxacum sylvanicum R. Doll; Taraxacum taraxacum (L.) H. Karst.; Taraxacum tenejapense A.J. Richards; Taraxacum vulgare Schrank;

Fífill vísar hingað. Fyrir aðrar merkingar orðsins má sjá aðgreiningarsíðuna.

Túnfífill (fræðiheiti: Taraxacum spp. eða Taxacum officinale) er blómplanta og fífiltegund (Taraxacum) af körfublómaætt. Hann er algeng jurt á Íslandi og getur vaxið upp í 1000 m hæð yfir sjávarmáli. Hann skiptist í nokkrar tegundir. Eftir blómgun lokar fífillinn blómakörfunni og opnar hana svo aftur þegar fræin eru fullþroskuð og nefnist þá biðukolla. Fræ fífilsins eru með svifhár og geta borist langa leið. Rótin er stólparót. Afblómgaður fífill nefnist biðukolla (bifikolla eða bifukolla).