Eykon Energy

Úr Wikipediu, frjálsa alfræðiritinu
Jump to navigation Jump to search

Eykon Energy ehf. er íslenskt félag sem sótti um leyfi til olíurannsókna og -vinnslu á Drekasvæðinu í öðru útboði sérleyfa árið 2012 en fékk frest til að finna sér erlendan samstarfsaðila[1]. Í júní 2013 var svo tilkynnt að Eykon Energy væri komið í samstarf við CNOOC frá Kína (enska: China National Offshore Oil Corporation), sem yrði framkvæmdaaðili skv. leyfisumsókninni.[2]. Möguleiki er á að leyfi verði veitt á grundvelli umsóknarinnar á árinu 2013[3]

Heiðar Már Guðjónsson fjárfestir er stjórnarformaður félagsins og Gunnlaugur Jónsson er framkvæmdastjóri. Auk þeirra er Terje Hagevang hluthafi í félaginu.[4]

Nafn Eykons Energy[breyta | breyta frumkóða]

Eykon Energy ehf er nefnt í höfuðið á Eyjólfi Konráði Jónssyni, alþingismanni, ritstjóra og athafnamanni, sem var kallaður Eykon.[5] Eykon barðist fyrir réttindum Íslendinga umhverfis landið, bæði á Jan Mayen-hryggnum, þar sem Drekasvæðið er og víðar.

Aðkoma CNOOC[breyta | breyta frumkóða]

Greint var frá því í erlendum fjölmiðlum að CNOOC hefði tilkynnt að bæði Eykon Energy og íslensk stjórnvöld hefðu sóst eftir aðkomu félagsins.[6] Þetta var leiðrétt í íslenskum fjölmiðlum af forsvarsmönnum Eykons.[7]

Tilvísanir[breyta | breyta frumkóða]