Education City leikvangurinn
Education City leikvangurinn er knattspyrnuvöllur í borginni Al Rayyan í Katar. Hann var vígður í febrúar 2020 og tekur rétt rúmlega 45 þúsund áhorfendur.
Leikvangurinn var fyrst og fremst reistur fyrir HM 2022, þar sem hann mun hýsa fjölda leikja í riðlakeppninni og einn leik í 16-liða úrslitum og annan í fjórðungsúrslitunum. Að mótinu loknu verður leikvangnum breytt í frjálsíþróttavöll fyrir háskólamiðstöðina í Al Rayyan og mun þá taka 25 þúsund áhorfendur.
Úrslitaleikur heimsbikarkeppni félagsliða 2021 milli Bayern München og UANL frá Mexíkó fór fram á Education City leikvangnum.
Við byggingu Education City leikvangsins var sérstaklega reynt að notast við vistvæn byggingarefni.