Eden (Hveragerði)

Eden árið 2007

Eden var garðyrkjustöð og söluskáli í Hveragerði sem var lengi einn vinsælasti viðkomustaður ferðalanga á Suðurlandi.

Bragi Einarsson garðyrkjufræðingur reisti garðskála og greiðasölu í Hveragerði árið 1958 að bandarískri fyrirmynd. Hann valdi byggingu sinni stað við þjóðveginn, sem þá lá um Austurmörk í Hveragerði, og varð hún skjótt viðkomustaður höfuðborgarbúa í skemmtiferðum austur fyrir fjall. Þar var hægt að kaupa veitingar jafn sem blómplöntur. Nafnið vísaði til aldingarðsins Eden í Biblíunni.

Eden var stækkað nokkrum sinnum og breyttist í tímans rás. Bæði garðyrkjustöðin og söluskálinn gjöreyðilögðust í bruna þann 22. júlí árið 2011. Í fyrstu voru uppi áform um endurbyggingu Eden en nokkrum árum eftir brunann var svæðið tekið undir íbúðir.

Heimildir og tilvísanir

• Sigurveig Jónsdóttir & Helga Guðrún Johnson (2014). Það er kominn gestur: saga ferðaþjónustu á Íslandi. Samtök ferðaþjónustunnar. ISBN 978-9935-10-057-3.