Ragnar Bjarnason syngur Nótt í Moskvu og Ship-o-hoj

Úr Wikipediu, frjálsa alfræðiritinu
(Endurbeint frá EXP-IM 97)
Jump to navigation Jump to search
Nótt í Moskvu og Ship-o-hoj
Forsíða Ragnar Bjarnason syngur Nótt í Moskvu og Ship-o-hoj

Bakhlið Ragnar Bjarnason syngur Nótt í Moskvu og Ship-o-hoj
Bakhlið

Gerð EXP-IM 97
Flytjandi Ragnar Bjarnason, hljómsveit Svavars Gests
Gefin út 1962
Tónlistarstefna Dægurlög
Útgáfufyrirtæki Íslenzkir tónar

Nótt í Moskvu og Ship-o-hoj er 45-snúninga hljómplata gefin út af Íslenzkum tónum árið 1962. Á henni syngur Ragnar Bjarnason tvö lög með hljómsveit Svavars Gests. Hljómsveitina skipuðu auk Svavars, Magnús Ingimarsson, Reynir Jónasson, Gunnar Pálsson og Garðar Karlsson. Útsetning: Magnús Ingimarsson. Platan er hljóðrituð í mono. Upptaka: Ríkisútvarpið. Umslag: Amatörverslunin ljósmyndastofa. Prentun: ÞEGG. Pressun: AS Nera í Osló.

Lagalisti[breyta | breyta frumkóða]

  1. Ship-o-hoj - Lag - texti: Oddgeir Kristjánsson - Loftur Guðmundsson - Hljóðdæmi 
  2. Nótt í Moskvu - Lag - texti: Solovyov-Sedoi - Jónas Árnason - Hljóðdæmi 


Ship-o-hoj[breyta | breyta frumkóða]

Sjómannslíf, sjómannslíf,
draumur hins djarfa manns,
blikandi bárufans,
býður í trylltan dans.
Sjómannslíf, sjómannslíf,
ástir og ævintýr
fögnuð í faðmi býr
brimhljóð og veðragnýr.
Ship-o-hoj, ship-o-hoj
ferðbúið liggur fley.
Ship-o-hoj, ship-o-hoj
boðanna bíð ég ei.
Við stelpurnar segi ég
ástarljúf orð
einn, tveir, þrír kossar
svo stekk ég um borð.
Ship-o-hoj, ship-o-hoj
mig seiðir hin svala dröfn.
Ship-o-hoj, ship-o-hoj
og svo nýja í næstu höfn.

Ljóð: Loftur Guðmundsson