ECMAScript

Úr Wikipediu, frjálsa alfræðiritinu
Stökkva á: flakk, leita

ECMAScript er skriftumál sem er staðlað af Ecma International (samtökum evrópskra tölvuframleiðenda) sem ECMA-262 og ISO/IEC 16262. Það er aðallega notað í skriftum sem keyra á biðlara. Þekktustu útfærslur staðalsins eru JavaScript, JScript og ActionScript.

Upphaflega var JavaScript þróað af Netscape og fyrsti vafrinn sem studdi það var Netscape Navigator 2.0 sem kom út í mars árið 1996. Microsoft þróaði í kjölfarið sína eigin útfærslu, JScript, sem kom út með Internet Explorer 3.0 í ágúst sama ár. Síðar sama ár óskaði Netscape eftir því að Ecma staðlaði málið og fyrsta útgáfa staðalsins var gefin út 1997. Síðan þá hafa fimm útgáfur staðalsins komið út en unnið er að útgáfum 5 og 6.

ECMAScript er aðallega útfært í vöfrum en til eru útfærslur fyrir .NET-keyrsluumhverfið frá Microsoft (JScript) og í margmiðlunarforritum eins og Adobe Flash (ActionScript) og Adobe Creative Suite (ExtendScript) þar sem málið er notað til að skapa gagnvirkni og sjálfvirka framkvæmd á röð aðgerða.

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.