Internet Explorer

Úr Wikipediu, frjálsa alfræðiritinu
Jump to navigation Jump to search

Windows Internet Explorer áður Microsoft Internet Explorer, oftast kallaður IE er vafri frá Microsoft og fylgir öllum Microsoft Windows stýrikerfum síðan árið 1995. Eftir fyrstu útgáfu vafrans, sem gerð var fyrir Windows 95, voru gerðar útgáfur af Internet Explorer fyrir önnur stýrikerfi, Mac OS og UNIX. Hætt var að framleiða vafrann fyrir önnur stýrikerfi og er hann núorðið einungis gerður fyrir Windows stýrikerfi. Árið 2015 tilkynnti Microsoft að Microsoft Edge myndi taka við sem sjálfgefinn vafri í Windows 10.

IE var lengi vel mest notaði vafrinn og náði næstum 95% markaðshlutdeild milli áranna 2002 og 2003. Frá þeim tíma hefur notkun hans dalað og var í janúar 2019 metinn af StatCounter með rétt um 5.74% markaðshluteild á almennum "PC" tölvum, þ.e. í "desktop"-flokki (þriðji vinsælasti á eftir Google Chrome og Mozilla Firefox; sjötti vinsælasti á markaðinum í heild).[1] Arftakinn Microsoft Edge er enn með minni markaðshlutdeild þó langt sé liðið frá útgáfu Windows 10 sem hann kom með. Microsoft hefur tilkynnt að hann verði endurskrifaður til að nota grunninn af Chrome vafranum, og sá uppfærði Edge muni koma á eldri studd Windows kerfi. Með þessum breytingum er Microsoft hætt nýsmíði á vöfrum í samkeppni við aðra og komið í samstarf.

Heimildir[breyta | breyta frumkóða]

Wiki letter w.svg  Þessi hugbúnaðargrein er stubbur. Þú getur hjálpað til með því að bæta við greinina.