Downs-heilkenni

Drengur með Downs-heilkenni.

Downs-heilkenni (stundum nefnt heilkenni þrístæðu 21) er litningafrávik sem veldur þroskahömlun. Fólk með Downs-heilkenni, áður fyrr nefnt mongólítar, hefur 3 eintök af litningi númer 21 eða alls 47 litninga. Þau einkenni sem teljast til Downs-heilkennis eru meðal annars: lág vöðvaspenna, skásett augu, flöt nefrót og bein lína þvert yfir lófa.

Heilkennið er kennt við enska lækninn John Langdon Down sem árið 1866 benti á lík einkenni einstaklinga með þroskahömlun. Árið 1959 sýndi franski prófessorinn Jérôme Lejeune að fólk með Downs-heilkenni hefði aukalitning í frumum sínum.

Heimildir

• http://www.downs.is
• „Hverjar eru líkurnar á að barn fæðist með Downs-heilkenni?“. Vísindavefurinn.
• „Hvað veldur Downs-einkenni og fötlun?“. Vísindavefurinn.
• Langflestum fóstrum með Downs-heilkenni er eytt; grein í Fréttablaðinu 2007