Croydon

Úr Wikipediu, frjálsa alfræðiritinu
Jump to navigation Jump to search
Þessi grein fjallar um bæinn. Um borgarhlutann, sjá Croydon (borgarhluta).
Byggingar í Croydon

Croydon er bær í Suður-London í borgarhlutanum Croydon. Hann liggur 9,5 km sunnan við Charing Cross. Bærinn er á leið frá London til suðurstrandar Bretlands. Íbúar Croydon eru 330.587 manns.

Croydon var upprunalega í sýslunni Surrey og á tíma landvinninga Normanna var að finna kirkju og myllu í bænum, þar sem 365 manns bjuggu (samkvæmt Dómsdagsbókinni sem var rituð árið 1086). Á miðöldum varð Croydon mikilvægur verslunarbær og markaður var byggður þar. Bærinn varð miðstöð fyrir framleiðslu viðarkola og leðurs, og bruggunar. Á 19. öldinni var járnbraut byggð frá Croydon til Wandsworth og á 20. öldinni fluttu margir farandverkamenn til bæjarins. Fyrir byrjun 20. aldarinnar var Croydon orðinn mikilvægur bær og var þekktur fyrir bílframleiðslu, málmvinnslu og flugvöllinn sinn. Síðar á 20. öld varð smásala aðalatvinnugreinin í Croydon eftir byggingu verslunarmiðstöðvar á sjöunda áratugnum. Árið 1965 varð Croydon hluti Stór-Lundúnasvæðisins.

Þegar óeirðirnar í London 2011 urðu var mikið rænt og margar íkveikjur urðu í bænum.[1]

Heimildir[breyta | breyta frumkóða]

  Þessi Lundúnagrein er stubbur. Þú getur hjálpað til með því að bæta við greinina.