Kornhæna
| Kornhæna | ||||||||||||||||
|---|---|---|---|---|---|---|---|---|---|---|---|---|---|---|---|---|
-1.JPG) | ||||||||||||||||
| Ástand stofns | ||||||||||||||||
| Vísindaleg flokkun | ||||||||||||||||
| ||||||||||||||||
| Tvínefni | ||||||||||||||||
| Coturnix coturnix (Linnaeus, 1758) |
Kornhæna (fræðiheiti Coturnix coturnix) er lítill fugl af fashanaætt. Kornhæna er ávalur fugl og brúnleitur með hvíta rönd yfir auga en karlfugl hefur einnig hvítt í höku. Vængir eru langir og kornhæna vegur frá 91–131 g og er 18.0–21.9 cm að á hæð. Kornhæna er frekar lítill og felugjarn fugl og heyrist frekar í henni en að hún sjáist. Kall karlfuglsins má helst heyra snemma morguns eða á kvöldin og stundum á nóttunni. Kornhæna er farfugl. Hún lifir á fræjum og skordýrum sem hún finnur á jörðu niðri. Kornhænur halda sig í ræktarlandi og graslendi víða um Evrópu og Asíu og verpa 6-12 eggjum í hreiður. Eggin eru 16-18 daga að klekjast út.
Í Gamla testamentinu segir frá því að Ísraelsmenn á flótta báðu Guð um kjöt og fengu þá til sín af himnum ofan stóran flokk af kornhænum á farflugi. Kornhæna er vinsæll veiðifugl. Sagt er að enska drottningin Jane Seymour kona Henry VIII hafi þegar hún gekk með Játvarð VI fyllst óstjórnlegri löngun í kornhænur og sendimenn verið á þönum um allt ríkið til að útvega nægar birgðir af kornhænur fyrir drottninguna.
Venjuleg kornhæna er önnur tegund en hin ræktaða tegund japönsk kornhæna.
Tenglar
[breyta | breyta frumkóða]
