Clannad

Clannad
Clannad
	Clannad
Upplýsingar
Uppruni	Gweedore, County Donegal,
Ár	1970-2024, 2026
Stefnur	nýaldartónlist, þjóðlagatónlist, popp
Meðlimir	Ciarán Brennan; Pól Brennan; Pádraig Duggan; Noel Duggan; Moya (Máire) Brennan; Enya (Eithne Brennan); Brídín Brennan; Deirdre Brennan;
Vefsíða	https://www.clannad.ie/

Clannad var írsk hljómsveit sem stofnuð var árið 1970 í Gweedore, County Donegal, Írlandi. hljómsveitin spilaði blöndu af írskri þjóðlagatónlist og nýaldartónlist. Hljómsveitin blandaði einnig í seinni tíð poppi, jazzi og gregórískum söng í tónlistina. Hljómsveitin var stofnuð af systkinunum Moya Brennan, Ciarán Brennan og Pól Brennan ásamt frændum þeirra; tvíburabræðrunum Noel Duggan og Pádraig Duggan. Hljómsveitin hóf að spila á krá sem faðir systkinanna átti og síðar á þjóðlagahátíðum á Írlandi. Árin 1980–1982 var yngri systir Brennan systkina, Enya, með hljómsveitinni en hún hóf árangursríkan sólóferil eftir veru sína í bandinu.

Clannad söng aðallega á gelísku og ensku. Lag þeirra, Theme from Harry's Game, er eina topplagið í Bretlandi sem hefur alfarið verið sungið á gelísku. Sveitin fékk Bono til að gesta á laginu In a Lifetime árið 1986.

Clannad vann Grammy-verðlaun fyrir plötuna Landmarks (1998). Meðal annarra verðlauna eru m.a. BAFTA-verðlaun árið 1984 fyrir tónlistina í þáttunum Robin of Sherwood.

Árið 2020 hugðist hljómsveitin halda kveðjutúr en hann frestaðist vegna Covid-19. Clannad spilaði síðustu tónleika sína í Royal Albert Hall árið 2024. ^[1]En kom þó stuttlega saman í febrúar 2026. Söngkona sveitarinnar Moya Brennan lést í apríl sama ár.