Bræður Ítalíu
| Bræður Ítalíu Fratelli d'Italia | |
|---|---|
 | |
| Forseti | Giorgia Meloni |
| Stofnár | 17. desember 2012 |
| Höfuðstöðvar | Via della Scrofa 39, Róm |
| Félagatal | 130.000 (2021)[1] |
| Stjórnmálaleg hugmyndafræði |
Ítölsk þjóðernishyggja, íhaldsstefna, öfgahægristefna |
| Einkennislitur | Blár |
| Sæti á fulltrúadeild |  |
| Sæti á öldungadeild |  |
| Sæti á Evrópuþinginu |  |
| Vefsíða | fratelli-italia.it |
Bræður Ítalíu eða Bræðralag Ítalíu (ítalska: Fratelli d'Italia; FdI) er íhaldssamur og þjóðernissinnaður stjórnmálaflokkur á Ítalíu. Leiðtogi hans er þingkonan Giorgia Meloni, fyrrum ungmennamálaráðherra í fjórðu ríkisstjórn Silvio Berlusconi.
Bræður Ítalíu urðu til með hægriklofningi úr Húsi frelsisins, kosningabandalagi Berlusconi, í desember 2012.[2] Flestir leiðtogar flokksins, þar á meðal Meloni, og einkennismerki hreyfingarinnar (þrílitur eldur),[3] komu úr Ítalska þjóðarbandalaginu, sem hafði runnið inn í Hús frelsisins árið 2009.[4] Þjóðarbandalagið var arftaki Ítölsku samfélagshreyfingarinnar (MSI, 1945–1995), nýfasísks stjórnmálaflokks sem hafði verið stofnaður af fyrrum meðlimum Fasistaflokks Mussolini.[5][6][7]
Hugmyndafræði Bræðra Ítalíu gengur út á róttæka íhaldsstefnu, þjóðernishyggju og andstöðu gegn innflytjendum. Á vettvangi Evrópustjórnmála er flokkurinn aðili að Evrópskum íhaldsmönnum og umbótasinnum, sem Meloni hefur leitt frá september 2020.[8] Að sögn Meloni eru Bræður Ítalíu hlynntir „sambandi evrópskra þjóða“ fremur en evrópsku ríkjasambandi.[9][10]
Bræður Ítalíu unnu um 26 prósent atkvæða í þingkosningum Ítalíu í september 2022 og urðu stærsti flokkurinn á þinginu.[11] Meloni tók því við sem forsætisráðherra Ítalíu, fyrst kvenna, í stjórnarsamstarfi Bræðra Ítalíu við Norðurbandalagið og Áfram Ítalíu.[12]
Tilvísanir[breyta | breyta frumkóða]
- ↑ „Sondaggi a picco? Adesso per la Lega anche i tesserati sono al palo. Invece Fratelli d'Italia cresce e rischia di mangiarsi Salvini a breve“. La Notizia (ítalska). 6 April 2021. Sótt 15 August 2022.
- ↑ Roberts, Hannah (3 August 2022). „Italy confronts its fascist past as the right prepares for power“. Politico Europe. Sótt 11 August 2022.
- ↑ Roberts, Hannah (10 August 2022). „I'm not a fascist — I like the Tories, says Italy's far-right leader“. Politico Europe. Sótt 11 August 2022.
- ↑ „Fratelli d'Italia riaccende la 'fiamma'. Nel nuovo logo i simboli di Msi e An“ (ítalska). TGcom24. 16 February 2014. Sótt 11 August 2022.
- ↑ „Fratelli d'Italia: dova va la destra italiana“ (ítalska). I Mille. 24 March 2014. Afrit af upprunalegu geymt þann 24 September 2014. Sótt 10 August 2014.
- ↑ Carlo, Andrea (20 June 2022). „Could Giorgia Meloni become Italy's next prime minister?“. Euronews. Sótt 21 July 2022.
- ↑ Ciucci, Chiara (13 August 2022). „Dall'Msi a Fratelli d'Italia, passando per An e la svolta di Fiuggi: storia della fiamma tricolore nata con Almirante e arrivata fino a Meloni“. Il Fatto Quotidiano (ítalska). Sótt 14 August 2022.
- ↑ „Il segnale di Meloni alla stampa estera: 'Nessuna svolta autoritaria, la destra italiana ha consegnato il fascismo alla storia da decenni'“. Il Fatto Quotidiano (ítalska). 10 August 2022. Sótt 14 August 2022.
- ↑ „UE, Meloni: Conservatori europei ribadiscono impegno per costruire Europa delle nazioni fondata su un modello confederale“. Giorgia Meloni (ítalska). 6 July 2022. Sótt 19 July 2022.
- ↑ „Ue, Meloni: 'Vorrei un'Europa confederale'“ (ítalska). ANSA. 6 July 2022. Sótt 15 August 2022.
- ↑ Fanndís Birna Logadóttir (september 2022). „„Ítalía valdi okkur"“. Vísir. Sótt september 2022.
- ↑ Ásrún Brynja Ingvarsdóttir (22. október 2022). „Meloni sver embættiseið“. RÚV. Sótt 23. október 2022.