Boðið upp í dans 1 - Barnadansar

Úr Wikipediu, frjálsa alfræðiritinu
Jump to navigation Jump to search
Boðið upp í dans 1 - Barnadansar
Forsíða Boðið upp í dans 1 - Barnadansar

Bakhlið Boðið upp í dans 1 - Barnadansar
Bakhlið

Gerð EXP-IM 73
Flytjandi Barnakór, hljómsveit Magnúsar Péturssonar
Gefin út 1960
Tónlistarstefna Barnadansar
Útgáfufyrirtæki Íslenzkir tónar

Boðið upp í dans 1 - Barnadansar er 45-snúninga hljómplata gefin út af Íslenzkum tónum árið 1960. Á henni flytja barnakór og hljómsveit Magnúsar Péturssonar ellefu lög. Platan er gefin út í samstarfi við dansskóla Hermanns Ragnars og aftan á plötuumslagi stendur að barnasöngvarnir og dansarnir séu í réttu dans-tempói. Platan er hljóðrituð í mono. Upptaka: Ríkisútvarpið. Umslag: Amatörverslunin ljósmyndastofa. Pressun: AS Nera í Osló.

Lagalisti[breyta | breyta frumkóða]

  1. Litlu andarungarnir
  2. Í skóginum - Hljóðdæmi 
  3. Dýravísur
  4. Sisken
  5. Klappi klapp
  6. La troika
  7. Mallebrok
  8. Heilsast og kveðjast
  9. Reinlanderpolki
  10. Hoppla
  11. Dátadans
Platan var pressuð í rauðum og svörtum lit.

Textabrot af bakhlið plötuumslags[breyta | breyta frumkóða]

Nú á síðustu árum hefur danskennzla og tilsögn í dansi aukist til muna meðal Íslendinga. Jafnframt því höfum við, sem leiðbeint höfum við þessa kennzlu, verið í vandræðum með að benda nemendum okkar og öðrum á heppilegar hljómplötur til æfinga, vegna þess hve erfitt er að fá réttan hraða til notkunar við dans eingöngu.

Snemma var því farið að tala um, að æskilegt vœri að koma á framfœri dönsum og danslögum á hljómplötu til notkunar fyrir börn, unglinga og fullorðna, sem notið hafa tilsagnar í dansi og vildu halda því við. Þessar tvær fyrstu plötur "BOÐIÐ UPP í DANS" 1. og 2. eru því fyrsti áfanginn í væntanlegu plötusafni og vona ég að þær komi að gagni og að sem flestir megi njóta þeirra.

Barnadansarnir eru flestir nýir, en mikið dansaðir af þeim sem sótt hafa danskennzlu undanfarna vetur, en illmögulegt hefur verið að fá þessi lög á hljómplötum hér.

Eldri dansarnir eru gamlir enskir samkvæmisdansar, sem náð hafa vinsœldum hér meðal fullorðinna, þar sem þeir hafa verið kenndir. Enskur vals, quickstep og tango eru sígildir samkvæmisdansar og eru þar eingöngu leikin íslenzk lög. Magnúsi Péturssyni, píanóleikara vil ég þakka fyrir hans mikla starf við undirbúning og upptöku á þessum plötum svo og Dagfinni Sveinbjörnssyni, yfirmagnaraverði Ríkisútvarpsins sem hafði umsjón með upptökunni, litlu stúlkunum úr Melaskólanum sem sungu fyrir okkur barnaljóðin og síðast en ekki sízt "Íslenzkum Tónum" fyrir skilning þeirra og hjálp við að bæta dansmennt okkar Íslendinga.

Reykjavík 15. september 1960.

Hermann Ragnar Stefánsson danskennari