Blóðþrýstingur
Blóðþrýstingur er sá þrýstingur sem blóðið beitir á veggi æðakerfisins. Mestur af þessum þrýstingi kemur til vegna krafts frá hjartanu þegar það dælir blóði.
Þegar talað er um blóðþrýsting á fólk vanalega við þrýstinginn í stóru slagæðunum. Þar sem þrýstingur sveiflast til vegna samdráttar hjartans eru tveir hlutir athugaðir: mesti þrýstingur sem mælist þegar hjartað slær (slagþrýstingur)[ath. 1] og lægsti þrýstingur sem mælist milli tveggja hjartslátta (fylliþrýstingur).[ath. 2]
Eðlilegur slagþrýstingur er á bilinu 120 mmHg[ath. 3] til 130 mmHg. Eðlilegur fylliþrýstingur er á bilinu 80 mmHg til 85 mmHg. Ef efri mörk fara yfir 140 mmHg og neðri mörk yfir 90 mmHg er talað um háþrýsting. [1] Lágþrýstingur er þegar efri mörk fara undir 90 mmHg og neðri mörk undir 60 mmHg. [2]
Athugasemdir
[breyta | breyta frumkóða]- ↑ Kallað slagþrýstingur, slagbilsþrýstingur, eða systólískur þrýstingur.
- ↑ Kallað fylliþrýstingur, þanþrýstingur, eða díastólískur þrýstingur.
- ↑ Millimetrar kvikasilfurs (mmHg) er mælieining á þrýsting.
Tilvísanir
[breyta | breyta frumkóða]- ↑ Hver er eðlilegur blóðþrýstingur? Vísindavefurinn
- ↑ Hvað er lágþrýstingur? Vísindavefurinn