Betula lenta f. uber
| Betula lenta f. uber | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Ástand stofns | ||||||||||||||||
| Vísindaleg flokkun | ||||||||||||||||
| ||||||||||||||||
| Þrínefni | ||||||||||||||||
| Betula lenta f. uber (Ashe) McAll & Ashburner | ||||||||||||||||
 Natural range of Betula uber
|
Betula lenta f. uber er sjaldgæft tilbrigði (forma) af sætbjörk í birkiætt. Það finnst eingöngu í Smyth County í Virginíu. Þegar því var fyrst lýst 1918 (Ashe) var það talið tilbrigði af Betula lenta, en svo sett sem tegund 1945.[1][2] Þar sem það er stakar plöntur í sætbjarkarskógum og einungis 1,2% af afkvæmum þeirra koma upp með kringlótt blöð sem er aðaleinkenni "tegundarinnar" hefur hún aftur verið sett sem tilbrigði af B. lenta.[1][2] Sumir höfundar vilja líta á það sem afbrigði (varietas).[3]
Eftir fyrsta fund tilbrigðisisins 1914 fannst það ekki aftur um alllangt skeið og var talið útdautt fram til 1975, þegar nokkrir einstaklingar fundust.[2] Þessi 18 tré og 23 smáplöntur voru í skógi á bakka Cressy Creek í Smyth County í Virginíu.[2] Trén voru formlega skráð sem tegund í útrýmingarhættu og verndunaraðgerðir hafnar.[3] Smáplöntum var fjölgað í gróðurhúsum og plantað í skóginum.[2] Um 1995 voru 20 stofnar orðnir til og verndunarstaðan var lækkuð í „ógnað“.[2] Trénu var fjölgað til að minnka hættu á að safnarar tækju villt eintök, eða að þau yrðu fyrir skemmdarverkum.[2] Árið 2006 voru taldir 961 einstaklingar.[3] Átta af þeim eru á upphaflega staðnum við árbakkann.[4] Ekki er enn vitað til þess að þessi björk fjölgi sér með náttúrulegri kynæxlun.[2]
Þetta verður meðalstórt tré, allt að 15 metra hátt. Krónan er þétt. Börkurinn er ilmandi og brúnn eða svartleitur.[3] Blöðin eru kringlótt eða egglaga, með hjartalaga blaðfæti og tenntum jaðri, um 5 cm löng.[3] Reklarnir eru uppréttir, 2,8 cm langir með smáum fræjum (2 mm).[3] Fræmyndun er miklu meiri sum ár en önnur.[3] Tréð verður um 50 ára gamalt að jafnaði.[3]
Tilvísanir
[breyta | breyta frumkóða]- ↑ 1,0 1,1 Flora of North America
- ↑ 2,0 2,1 2,2 2,3 2,4 2,5 2,6 2,7 Davis, E. Five-year Review: Virginia Roundleaf Birch. Geymt 17 febrúar 2017 í Wayback Machine USFWS. September 2006.
- ↑ 3,0 3,1 3,2 3,3 3,4 3,5 3,6 3,7 Sharik, T.Betula uber Revised Recovery Plan. USFWS. 1985.
- ↑ „The Nature Conservancy“. Afrit af upprunalegu geymt þann 23. nóvember 2002. Sótt 14. mars 2018.
Tenglar
[breyta | breyta frumkóða]- World Conservation Monitoring Centre 1998. Betula uber. 2006 IUCN Red List of Threatened Species. Downloaded on 20 August 2007.
- USDA Plants Profile Geymt 2 júlí 2013 í Wayback Machine
