Bergshús
Bergshús var lágt timburhús sem áður stóð við Skólavörðustíg 10, nánar til tekið á neðra horni Bergstaðastrætis, sunnan megin götunnar á gatnamótum Skólavörðustígs. Ofan við Bergshús var Kjaftaklöpp.[1] Þórbergur Þórðarson bjó í Bergshúsi og er húsið vettvangur margra frásagna í bókinni Ofvitinn.[2] Hugmyndir voru um að flytja húsið upp á Árbæjarsafn [3] en ekkert varð úr þeim áætlunum.[4]
Alexíus Árnason lögregluþjónn reisti húsið í kringum 1865. Húsið var kennt við Berg Þorleifsson söðlasmið sem átti það í næstum hálfa öld, frá því um 1885 og var Þórbergur leigjandi hjá honum. Eiríkur Ólafsson frá Brúnum bjó um tíma í húsinu og einnig Jóhann Gunnar Sigurðsson skáld.
Bergshús var íbúðarhús fram til um 1960 en frá þeim tíma var rekin verslun í húsinu. Síðast var þar rekin leikfangaverslunin Leikfangahúsið.
Tilvísanir
[breyta | breyta frumkóða]- ↑ Agnar Birgir Óskarsson (24.1.1988). „Undir súð í Bergshúsi“. Tíminn. bls. 6-7.
- ↑ Guðjón Friðriksson (9. apríl 1983). „Bergshús“. Þjóðviljinn. bls. 14-15.
- ↑ „Bergshús flutt á Árbæjarsafn“. Morgunblaðið. 11. ágúst 1989. bls. 5.
- ↑ Arngrímur Vídalín (1. febrúar 2010). „Bergshús V“. Bloggið um veginn.
Heimildir
[breyta | breyta frumkóða]- Guðjón Friðriksson (1995). Indæla Reykjavík: 6 gönguleiðir um Þingholt og sunnanvert Skólavörðuholt. Iðunn. bls. 128.
- Páll Líndal (1988). „Mannlífið við Sund“. Reykjavík: sögustaður við Sund. 3. bindi. Örn og Örlygur.
