Ben Nevis
| Ben Nevis Beinn Nibheis | |
 Ben Nevis úr fjarska | |
| Hæð | 1.345 metrar yfir sjávarmáli |
| Staðsetning | Skosku hálöndin |
Ben Nevis (gelíska: Beinn Nibheis) er hæsta fjall Bretlandseyja. Það er 1345 metra hátt og er staðsett á vesturenda Grampian-fjalla nálægt bænum Fort William í Skotlandi. Toppur Ben Nevis eru leifar af eldfjalli sem féll saman. Yfir 700 metra hátt klettabelti á norðurhlið fjallsins er meðal þeirra hæstu í Skotlandi og er vinsæll staður til kletta- og ísklifurs. Fjallið var klifið fyrst svo vitað sé árið 1771 af grasafræðingnum James Robertson frá Edinborg. Kapphlaup upp fjallið hefur verið hvert ár síðan 1937.
