Arnarnesgöng
Arnarnesgöng eru tvíbreið 30 metra löng göng á milli Ísafjarðar og Súðavíkur í gegnum Arnarneshamar / Arnardalshamar. Þau eru fyrstu jarðgöngin á Íslandi.
Göngin eru hluti af Súðavíkurvegi og vegaframkvæmdir við hann hófust við Kirkjubólshlíð. Sumarið 1945 var reist brú yfir Arnardalsá og vegur lagður um Súðavíkurhlíð að Arnardalshamri haustið 1946. Byrjað var að sprengja í gegnum Arnardalshamar 1947.[1] Við framkvæmdir á göngunum var Vegagerðin gagnrýnd fyrir seinagang og sóun á ríkisfé í Súðavíkurveg í stað þess að fara yfir Arnardalsháls.[1][2]
Arnarnesgöngin voru einbreið til ársins 1995 þegar þau voru breikkuð.[3][4]
Tilvísanir
[breyta | breyta frumkóða]- ↑ 1,0 1,1 „Vegagerð sem gengur seint” Alþýðublaðið, 213. Tölublað (18.09.1948), bls. 3+7
- ↑ „Heyrði ég í hamrinum, hátt var þar látið” Skutull, 39. Tölublað (08.10.1948), bls. 1+4
- ↑ „Veggöng á Íslandi“. www.vegagerdin.is. Sótt 17. janúar 2022.
- ↑ „Arnarnesgöngin: Vegagerðin setur upp upplýsingaskilti“. www.bb.is. 16. júní 2020. Sótt 17. janúar 2022.