Argentíno-vatn

Við norðurströnd vatnsins.

Argentíno-vatn (spænska: Lago Argentino) er stöðuvatn í Santa Cruz-héraði í Patagóníu í Argentínu. Það er 1.415 km² og stærsta stöðuvatn í Argentínu. Mesta breidd er 32 km. Meðaldýpt er 155 m og hámarksdýpt 500 m.

Vatnið er innan Los Glaciares-þjóðgarðsins á svæði með mörgum jöklum. Vatnasviðið er rúmlega 17.000 km² með fjölmörgum jökulám, bergvatnsám. Þar á meðal La Leonafljót sem rennur úr Viedma-vatni. Santa Cruz-fljót rennur frá Argentíno-vatni í Atlantshafið.

Jöklarnir, bærinn El Calafate og vatnið sjálft eru fjölsóttir ferðamannastaðir. Vatnið er eftirsótt af sportveiðimönnum og þar veiðist einkum vatnakarfi og silungur.

Til ársins 2000 var Lago Argentino einnig nafnið á flugvelli svæðisins. Sá flugvöllur er nú aflagður en flugbrautin var nýtt í vegakerfi borgarinnar. Núverandi flugvöllur svæðisins heitir Comandante Armando Tola og er bæði fyrir innanlandsflug og millilandaflug.

Dýralíf

Dýralíf í Argentinovatn er auðugt; bæði af fiski og spendýrum.

Fiskur Galaxias maculatus og Percichthys, presumiblemente vinciguerrae eru tvær tegundir fiska í vatninu.

Spendýr Mjög lítið er vitað um spendýr í Argentinovatni. Á níunda áratugnum fannst þó andesrefur (Lycalopex culpaeus) þar.

Loftslag

Í Argentinovatni er kalt eyðimerkurloftslag (BWk) samkvæmt flokkunarkerfi Köppen.