Andrarímur fornu

Andrarímur (eða Öndrur) eru rímur frá 15. öld sem urðu feikivinsælar hér á landi fyrr á öldum og innihalda alls 13 rímur. Höfundur Andrarímna er óþekktur en stundum hafa þær að hluta til verið eignaðar Sigurði blind í Fagradal. Andrarímur eru varðveittar í þrennum skinnhandritum, Staðarhólsbók rímna, Hólsbók og Hvítadalsbók, og í ríflega 20 pappírshandritum. Sagan sem sögð er í Andra rímum hefur ekki varðveist í lausamálsgerð samtíða rímunum, en í upphafi 19. aldar gerði Gísli Konráðsson lausamálsgerð eftir rímunum og bætti við töluvert miklu efni, og var sú saga efniviður Rímna af Andra jarli sem sr. Hannes Bjarnason, Gísli og Efemía Benediktsdóttir, kona Gísla, ortu og voru gefnar út 1834.

Andrarímur þykja vel ortar.