Ólympusfjall (Grikklandi)
| Ólympusfjall | |
|---|---|
 Ólympusfjall frá Litochoro |
|
| Hæð: | 2.919 metrar yfir sjávarmáli |
| Staðsetning: | Grikkland |
Ólympusfjall (eða Ólympsfjall) er hæsta fjall Grikklands, 2.917 metra hátt, það er heimili guðanna í grískri goðafræði. Hæsti tindur þess heitir Mitikas, sem þýðir „nef“ á grísku.
Ólympsfjall er þekkt fyrir fjölskrúðuga flóru sína, ef til vill þá fjölskrúðugustu í Evrópu, með nokkrum staðbundnum tegundum.
Í grískri goðafræði er Ólympsfjall aðsetur Ólympsguðanna tólf, aðalguðanna í grískri goðafræði. Grikkir hugsuðu sér að þar væri kristalhallir þar sem guðirnir bjuggu, m.a. Seifur.
Orðsifjar og merking nafnsins Ólympus (Ólympos) eru óþekktar og hugsanlega er uppruni nafnsins ekki indóevrópskur.
Heimild[breyta | breyta frumkóða]
Fyrirmynd greinarinnar var „Mount Olympus“ á ensku útgáfu Wikipedia. Sótt 30. október 2005.
