Íslensku myndlistarverðlaunin

Íslensku myndlistarverðlaunin eru íslensk menningarverðlaun á sviði myndlistar sem voru stofnuð árið 2018. Í byrjun var aðeins einn flokkur, „myndlistarmaður ársins“, og svo sérstök hvatningarverðlaun. Árið 2021 bættist við heiðursviðurkenning fyrir ævistarf og viðurkenning fyrir útgefið efni, og síðan árið 2022 áhugaverðasta endurlitið og áhugaverðasta samsýningin. Einungis eru gefin peningaverðlaun í flokkunum myndlistarmaður ársins og hvatningarverðlaun.

Dómnefnd

Myndlistarráð Íslands veitir verðlaunin, og sér Myndlistarmiðstöð um framkvæmdina. Dómnefnd skipa fulltrúar frá Listaháskóla Íslands, Sambandi íslenskra myndlistarmanna, Listfræðafélaginu og einn fulltrúi íslenskra safna. Leynilegt er hverjir eru meðlimir nefndarinnar þar til verðlaun hafa verið tilkynnt.

Sigurvegarar

2018

Árið 2018 voru tilnefnd sem myndlistarmaður ársins, Anna Júlía Friðbjörnsdóttir fyrir sýninguna Erindi í Hafnarborg, Egill Sæbjörnsson fyrir sýninguna Ùgh & Bõögâr Jewellery í i8 Gallery, Hulda Vilhjálmsdóttir fyrir sýninguna Valbrá í Kling og Bang og Sigurður Guðjónsson fyrir sýninguna Inniljós í kapellu og líkhúsi St. Jósefsspítala í Hafnarfirði. Hlaut Sigurður Guðjónsson verðlaunin.

2019

Árið 2019 voru tilnefnd sem myndlistarmaður ársins, Eygló Harðardóttir fyrir Annað rými í Nýlistasafninu, Guðmundur Thoroddsen fyrir Snip Snap Snubbur í Hafnarborg, Hekla Dögg Jónsdóttir fyrir Evolvement í Kling & Bang, og Steinunn Gunnlaugsdóttir-Litla Hafpulsan og framlag sitt á listahátíðinni Cycle. Eygló Harðardóttir bar sigur úr býtum það ár.

2020

Árið 2020 voru tilnefnd sem myndlistarmaður ársins, Anna Guðjónsdóttir fyrir Hluti í stað heildar í Listasafni Reykjavíkur, Guðjón Ketilsson fyrir Teikn í Listasafni Reykjanesbæjar, Hildigunnur Birgisdóttir fyrir Universal Sugar í Listasafni ASÍ og Ragnar Kjartansson fyrir Fígúrur í landslagi í i8. Guðjón Ketilsson hlaut verðlaunin það ár.

2021

Árið 2021 var Haraldur Jónsson tilnefndur fyrir sýninguna Ljósavél í gallerí Berg Contemporary, Margrét H. Blöndal fyrir sýninguna Loftleikur í i8 Gallerí, Libia Castro og Ólafur Ólafsson fyrir verkið Í leit að töfrum – Tillaga að nýrri stjórnarskrá fyrir lýðveldið Ísland, og Selma Hreggviðsdóttir og Sirra Sigrún Sigurðardóttir fyrir sýninguna Ljósvaki  í gallerí Berg Contemporary. Hlutu Libia og Ólafur verðlaunin en þau voru fyrsta tvíeykið til að vinna. Sýningin fór fram á Listasafni Reykjavíkur í Hafnarhúsi og á götum úti við Stjórnarráð og Alþingi Íslands.

2022

?

2023

• Myndlistarmaður ársins - Hrafnkell Sigurðsson fyrir sýninguna Upplausn í Auglýsingahléi Billboard, í samstarfi við Listasafn Reykjavíkur og Y gallerí.
• Hvatningarverðlaun - Ásgerður Birna Björnsdóttir fyrir sýninguna Snertitaug á Listasafni Reykjavíkur.
• Heiðursviðurkenning - Ragnheiður Jónsdóttir fyrir framlag sitt til íslenskrar myndlistar.
• Samsýning ársins - Myndhöggvarafélagið í Reykjavík fyrir sýninguna Hjólið V: Allt í góðu, í sýningarstjórn Kristínar Dagmarar Jóhannesdóttur.
• Endurlit ársins - Listasafn Reykjavíkur fyrir sýninguna Erró: Sprengikraftur mynda í sýningarstjórn Danielle Kvaran og Gunnars B. Kvaran.
• Viðurkenning á útgefnu efni sem tengist myndlist - Æsa Sigurjónsdóttir og Snæbjörnsdóttir/Wilson fyrir bókina Óræð lönd: samtöl í sameiginlegum víddum.

2024

• Myndlistarmaður ársins – Amanda Riffo fyrir sýninguna House of Purkinje í Nýlistasafninu.
• Hvatningaverðlaun – Brák Jónsdóttir fyrir sýninguna Möguleg æxlun í Gróðurhúsi Norræna hússins í Reykjavík.
• Heiðurviðurkenning – Hreinn Friðfinnsson fyrir framlag sitt til íslenskrar myndlistar.
• Áhugaverðasta endurlitið – Rauður þráður, sýning á verkum myndlistarkonunnar Hildar Hákonardóttur sem haldin var í Listasafni Reykjavíkur, Kjarvalsstöðum, í sýningarstjórn Sigrúnar Ingu Hrólfsdóttur.
• Samsýning ársins – Að rekja brot í Gerðarsafni í Kópavogi, í sýningarstjórn Daríu Sólar Andrews.
• Viðurkenning á útgefnu efni sem tengist myndlist – Art Can Heal: The Life and Work of Sigríður Björnsdóttir eftir Ágústu Oddsdóttur, í ritstjórn Abigail Ley.

2025

• Myndlistarmaður ársins – Pétur Thomsen fyrir sýninguna Landnám í Hafnarborg.
• Hvatningarverðlaun ársins – Helena Margrét Jónsdóttir.
• Heiðursviðurkenning – Erró fyrir einstakt framlag til íslenskrar myndlistar.
• Viðurkenning fyrir áhugaverðasta endurlitið – Gerðarsafn fyrir sýninguna Hamskipti | Listsköpun Gerðar Helgadóttur í sýningarstjórn Cecilie Gaihede.
• Viðurkenning fyrir áhugaverðustu samsýninguna – Textílfélagið fyrir sýninguna 50/100/55 á Hlöðuloftinu, Korpúlfsstöðum í sýningarstjórn Ægis Zita.
• Viðurkenning fyrir útgefið efni – Agnieszka Sosnowska fyrir bókina FÖR.