Áfram stelpur
Áfram stelpur er breiðskífa sem kom út kvennaárið 1975.[1] Inn á plötuna sungu Sigrún Björnsdóttir, Bríet Héðinsdóttir, Kristín Á. Ólafsdóttir, Steinunn Jóhannesdóttir, Guðrún Alfreðsdóttir, Anna Kristín Arngrímsdóttir og Margrét Helga Jóhannsdóttir. Umslagið gerði Sigrún Eldjárn. Steinunn Jóhannesdóttir leikkona átti hugmyndina að gerð plötunnar og vann að gerð hennar ásamt útgefendunum, þeim Kjartani Eggertssyni og Hirti Blöndal.
Lögin á plötunni voru flest úr kabarettsýningu Leikfélags Akureyrar „Ertu nú ánægð kerling?“, safni stuttra leikþátta sem fjölluðu um stöðu konunnar í samfélaginu og voru frumsýndir 1974. Flestir leikþættirnir voru þýddir og staðfærðir úr sænsku, meðal annars leikritunum Tjejsnack og Jösses flickor eftir Suzanne Osten og Margareta Garpe úr Grupp 8. Mörg lögin höfðu áður komið út á sænsku plötunni Sånger om kvinnor frá 1971 með tónlist eftir Gunnar Edander. Upprunalegu textarnir voru meðal annars eftir Osten og Garpe, Sonja Åkesson, Louise Waldén og Leif Nylén.
Lagalisti
[breyta | breyta frumkóða]| A-hlið | |
|---|---|
| Söngur um kvenmannslausa sögu Íslendinga | Lag: Gunnar Edander/texti: Dagný Kristjánsdóttir og Kristján Jóhann Jónsson |
| Framtíðardraumar | Lag: Gunnar Edander/texti: Böðvar Guðmundsson |
| Síðasta sumarblómið | Lag: Gunnar Edander/texti: Böðvar Guðmundsson |
| Sagan af Gunnu og Sigga | Lag: Gunnar Edander/texti: Þrándur Thoroddsen |
| Brói vælir í bólinu | Lag: Gunnar Edander/texti: Þrándur Thoroddsen |
| Í eðli þínu ertu bara reglulega kvenleg, Signý | Lag: Gunnar Edander/texti: Þrándur Thoroddsen |
| Ertu nú ánægð? | Lag: Gunnar Edander/texti: Þrándur Thoroddsen |
| Gullöldin okkar var ekki úr gulli | Lag: Lillemor Lind/texti: Dagný Kristjánsdóttir og Kristján Jóhann Jónsson |
| B-hlið | |
| Hvers vegna þegjum við þunnu hljóði? | Lag: Gunnar Edander/texti: Þrándur Thoroddsen |
| Þyrnirós | Lag: Leif Nylén/texti: Böðvar Guðmundsson |
| Í Víðihlíð | Lag/texti: Megas |
| Deli að djamma | Lag: Gunnar Edander/texti: Þrándur Thoroddsen |
| Einstæð móðir í dagsins önn | Lag: Gunnar Edander/texti: Þrándur Thoroddsen |
| Íslands fátæklingar (1101 árs) | Lag: Gunnar Edander/texti: Dagný Kristjánsdóttir og Kristján Jóhann Jónsson |
| Áfram stelpur (í augsýn er nú frelsi) | Lag: Gunnar Edander/texti: Dagný Kristjánsdóttir og Kristján Jóhann Jónsson |
Tilvísanir
[breyta | breyta frumkóða]- ↑ „„Áfram stelpur" á plötu“. Þjóðviljinn. 24. október 1975. bls. 9.