Veiðarfæri
Veiðarfærum má skipta upp í ýmsa flokka. Matvæla- og landbúnaðarstofnun Sameinuðu þjóðanna[1] skiptir veiðarfærum upp í 12 flokka og Emil Ragnarsson[2] skiptir þeim upp í fjóra flokka. Það eru dregin veiðarfæri, umlykjandi veiðarfæri, kyrrstæð veiðarfæri og svo ýmis hreyfanleg veiðarfæri. Einfaldari flokkun er að skipta þeim einungis upp í hreyfanleg og staðbundin veiðarfæri[3]. Hreyfanleg veiðarfæri eru dregin að eða í kringum væntanlegan afla á meðan fiskar eru blekktir að eða inn í staðbundin veiðarfæri. Botnvörpur og dragnót eru dæmi um hreyfanleg veiðarfæri, en lína og handfæri dæmi um staðbundin. Hvernig sem fólk flokkar veiðarfæri, þá er mikill munur á olíunotkun eftir flokkum veiðarfæra. Veiðarfæri sem eru dregin á eftir skipi eyða mun meiri olíu en staðbundin veiðarfæri, og þá sérstaklega botnvarpa.[4]
Tilvísanir[breyta | breyta frumkóða]
- ↑ „Handbook of Fishery Statistics“ (PDF). Food and Agriculture Organization. 2013.
- ↑ Emil Ragnarsson. „Orkuspar“. Árbók VFÍ/TFÍ.
- ↑ Jennings, S.; Kaiser, M. J. (2001). Marine Fisheries Ecology. Blackwell Publishing. bls. 94.
- ↑ „Eldsneytisspá 2016 - 2050“ (PDF). Orkuspárnefnd. 2016.