Klósigar

Klósigar
Klósigar
Skammstöfun	Ks
Ættkvísl	Klósigar
Hæð	fyrir ofan 7000 m
Gerð skýja	Háský (Í mikilli hæð)
Útlit	aflöng og grisjótt
Úrkoma	skýjaslæða

Klósigar (latína: Cirrus) eru ein gerð háskýja sem tilheyra blikum. Þau mynda bönd seða fjaðurlaga rákir sem stundum bogna upp í annan endann. Þau eru samansett úr ískristöllum sem myndast í yfir 7 kílómetra hæð og eru, vegna þess hve hátt þau liggja, fyrstu skýin sem roðna við sólarupprás. Þegar þau eru bogin upp í annan endann nefnast þau vatnsklær. Þessi ský myndast við hægt hitauppstreymi (um 0,3m/s) og við skil loftmassa eða í kjölfar rigningar eða þrumuveðurs. Þegar á himnum myndast klósigar segja menn: Hann hrísar loftið.

Í Veðurfræði Eyfellings eftir Þórð Tómasson segir:

Klósigi heitir aflöng, grisjótt skýjabreiða hátt á himni, venjulega um þvert loft. Stefna hans bendir til vindáttar. Ekki voru allir vísir þess undir hvorum enda klósigans áttin yrði.

Heimild

• „Ský“. Sótt 30. maí 2007.
• Veður og umhverfi, bls. 32-33, Unnur Ólafsdóttir þýddi, Mál og menning / Edda útgáfa hf. Reykjavík.

  Þessi náttúruvísindagrein er stubbur. Þú getur hjálpað til með því að bæta við greinina.