Vökvabrot
Vökvabrot (enska: fracking), einnig nefnt bergbrot eða setsundrun, er verkfræðileg aðferð til þess að að örva rennsli vökva inn í borholur, til að mynda olíu og gass. Vökva er dælt ofan í holurnar þar til bergið springur og greiðari leið fæst að því sem borað er eftir.
Boraðar eru djúpar holur ofan í jarðlögin, sem ganga í töluverðar vegalengir í lárétta átt eftir að nokkru dýpi hefur verið náð, og miklu magni af vatni er dælt niður til þess að sprengja upp berg og losa þannig um gasbirgðir sem annars sætu fastar.
Þessi aðgerð er kostnaðarsöm en er framkvæmd víða í Bandaríkjunum og víðar. Í Evrópu hefur hún mætt nokkurri mótstöðu umhverfisverndarhópa sem hafa áhyggjur af því að með henni gætu vatnsból sem notuð eru til manneldis mengast til lengri tíma og orðið ónothæf.
Tenglar
[breyta | breyta frumkóða]
