Torfi Einarsson

Torfi Einarsson (25. desember 1812 – 21. desember 1877) var bóndi á Kleifum á Selströnd frá 1835 til æviloka og þingmaður Strandamanna á árunum 1864 – 1877.

Torfi fæddist í Kollafjarðarnesi á Ströndum. Foreldrar hans voru Einar Jónsson dannebrogsmaður, bóndi þar, og kona hans, Þórdís Guðmundsdóttir (fædd um 1777, dáin 31. júlí 1861), húsmóðir. Bróðir Torfa var Ásgeir Einarsson alþingismaður.

Kona Torfa var Anna Einarsdóttir (20. ágúst 1802 – 26. júní 1879) húsmóðir. Foreldrar hennar voru Einar Einarsson og kona hans Helga Ólafsdóttir. Dætur þeirra Torfa voru Soffía (1842–1923) og Guðbjörg (1845–1923).

Prentaðar heimildir

• Guðbrandur Benediktsson: „Kosningar og þingmenn Strandasýslu frá endurreisn Alþingis 1845“, í: Vesturland 42 (1965), bls. 17.
• Jón Þorkelsson: „Frá Torfa Einarssyni á Kleifum. Eptir handriti síra Friðriks Eggerz. Með mynd“, í: Blanda. Fróðleikur gamall og nýr. II. Reykjavík, 1921–1923, bls. 392–405.

Ytri tenglar

• Alþingi: Torfi Einarsson
• Ísmús: Torfi Einarsson
• Legstaðaleit: Torfi Einarsson