Teide
Teide er eldfjall á eyjunni Tenerife á Kanaríeyjum, Spáni. Efsti tindur fjallsins er í 3.718 metra hæð yfir sjávarmáli, en Teide er hluti af Parque Nacional del Teide, sem er á Heimsminjaskrá UNESCO. Teide er hæsta fjall Spánar og eitt af stærstu eldfjöllum heims.
Tenerife er eyja byggð um fjallið El Teide sem er að rúmmáli þriðja stærsta eldfjall veraldar. Tenerife þýðir Hvítafjall á máli innfæddra, "tene-" (fjall) "-ife" (hvítur).
Í leiðarbókum Kólumbusar segir 9. ágúst 1492: „Þeir sáu elda mikla stíga frá hábungu Tenerifeeyjar, sem er afar há.“ Kólumbus kom aldrei sjálfur til Tenerife-eyjar, en svo virðist sem hann hafi séð eldfjallið Teide á bakaleiðinni frá La Gomera áður en hann hélt í leiðangurinn yfir Atlantshafið. Aðrar heimildir um eldgosið 1492 hafa þó ekki fundist. Síðasta gos var árið 1909.
Heimildir
[breyta | breyta frumkóða]
- Parque Nacional del Teide Geymt 8 júlí 2011 í Wayback Machine