Bláfætt súla

Bláfætt súla
	;
Ástand stofns
	; Ekki í útrýmingarhættu
Vísindaleg flokkun
Ríki:	Dýraríki (Animalia);
Fylking:	Seildýr (Chordata);
Flokkur:	Fuglar (Aves);
Ættbálkur:	Árfetar (Suliformes);
Ætt:	Súluætt (Sulidae);
Ættkvísl:	Sula;
Tegund:	S. nebouxii;

Bláfætt súla (fræðiheiti: Sula nebouxii) er sjófugl sem býr á vesturströnd Mið- og Suður-Ameríku. Flestir fuglar af þessari tegund hreiðra sig á Galápagoseyjum, en annars heldur fuglinn mest til á opnu hafi.

Fuglinn er skyldur súlunni sem finnst við Íslandsstrendur.

Útlit

Fullvaxta er bláfætt súla venjulega 81 sentimetri á hæð og 1,5 kg að þyngd. Þeir lifa í allt að 17 ár. Karlkynið er minna en kvenkynið og hefur ljósari lit á fótum sínum. Fjaðrir tegundarinnar eru aðallega hvítar eða brúnar með dökkum vængjum og skræpótt bak. Höfuð og háls fuglsins eru ljósbrún með hvítum strokum og maginn er hvítur. Augu hennar eru gul og sjá tvísætt. Fuglarnir innbyrða karótenóíð-litarefni úr fisknum sem veldur ljósbláum lit á fótum þeirra. Talið er að karótenóíð örvi ónæmiskerfið og þess vegna sé hægt að sjá til um heilsu fuglsins út frá litnum á fótum hans. Kvenkynið laðast að sterkum lit á fótunum því það er merki um góða heilsu.

Makaval

Fótaliturinn dofnar með aldri, þannig að kvenkyns súlan er líklegri til að velja sér yngri maka með litríkari fætur, því þeir hafa meiri frjósemi og getu til að huga að ungum sínum frekar en eldra karlkynið.

Karlkyns súlan metur einnig æxlunarverðmæti maka síns. Þáttaka þeirra í umönnun unga sinna ræðst af ástandi maka þeirra.

Kvenkynsfuglar sem verpa stærri og ljósari eggjum hafa meira æxlunargildi, þess vegna er karlkynið líklegra til að huga að ungum sínum ef makinn verpir stórum eggjum. Minni egg fá minni umönnun frá foreldrum sínum. Rannsóknir sýna að þátttaka karlkynsins í ummönnun unga sinna aukist ekki þrátt fyrir að maki þeirra hafi skærlitaða fætur og hátt æxlunargildi, en karlkyns súlur eru líklegri til að sjá fyrir eggjunum ef maki þeirra er aðlaðandi.

Hegðun

Líkt öðrum súlutegundum heldur bláfætta súlan sig á landi að nóttu til. Hún veiðir ein eða í hópum að morgni til í leit að mat og flýgur hún langt út á sjó, þar sem hún veiðir smáfiska eins og ansjósur, makríl, og sardínur. Hún stingur sér í vatnið úr allt að 25 metra hæð og leggur vængi sína að líkama sínum áður en hún stingur sér. Þrátt fyrir að veiða í hópum kjósa þær oftar að borða einsamar. Þar sem karlkyns súlan er minni heldur hann sig við grynningar, en kvenkynið veiðir undan ströndum.

Heimildir

"Blue-footed Booby Population Analysis Geymt 22 október 2017 í Wayback Machine". Galapagos Conservancy. Sótt 29 nóvember, 2018.
"Blue-footed Booby, Sula nebouxii". MarineBio. Sótt 29 nóvember, 2018.
"Blue-Footed Booby Geymt 22 janúar 2010 í Wayback Machine". National Geographic. Sótt 29 nóvember, 2018.