Snorri Páll Jónsson Úlfhildarson

Úr Wikipediu, frjálsa alfræðiritinu
Jump to navigation Jump to search

Snorri Páll Jónsson Úlfhildarson (f. 1987) er íslenskur aktívisti og listamaður. Hann hefur samið og flutt tónlist, meðal annars með hljómsveitinni Alræði öreiganna[1] og skrifað greinar og pistla fyrir Reykjavík Grapevine, Stundina og Nature.is

Listamaður[breyta | breyta frumkóða]

Snorri hefur haldið sýningar í Ekkisens húsinu á Bergstaðastræti 26B. Sýningarnar hans þar heita „Sakminjasafnið“[2], „HÁVAÐI II“ og „HÁVAÐI III“. Hann stóð fyrir halarófu verka ásamt Steinunni Gunnlaugsdóttur árið 2014 sem nefndist „Ef til vill sek“[3]. Meðal verka þar var myndbandsverkið „Maður bíður“, útgáfa ljóðabókar sem nefnist „Lengist í taumnum“[4] og stofnun Máf/vavinafélagsins[3].

Aktivisti[breyta | breyta frumkóða]

Snorri var talsmaður samtakanna Saving Iceland og hefur skrifað greinar gegn stóriðju[5][6], tekið þátt í mótmælum gegn Kárahnjúkavirkjun[7] og annarri stóriðju[8].

Snorri er einn af svokölluðum Nímenningum. Hann var handtekinn og ákærður ásamt átta öðrum fyrir árás á Alþingi þann 8. Desember 2008[9] þegar hann komst inn á palla Alþingis og hrópaði orðin:

„Þetta hús þjónar ekki tilgangi sínum, drullið ykkur út."[10]

Snorri var sýknaður ásamt hinum átta þann 16. febrúar 2011[11].

Snorri var handtekinn og ákærður fyrir að hrækja á lögreglubíl og lögreglumann 21. maí 2009 en var sýknaður í málinu. Snorri höfðaði skaðabótamál á hendur ríkinu fyrir þessar tvær handtökur og fór fram á að íslenska ríkið greiddi honum 5 milljónir króna í skaðabætur. Málið endaði með sátt og fékk Snorri 300 þúsund krónur í skaðabætur fyrir seinni handtökuna[12].

Heimildir[breyta | breyta frumkóða]