Skóggangur

Úr Wikipediu, frjálsa alfræðiritinu
Jump to navigation Jump to search

Skóggangur var ein þriggja tegunda refsinga sem beitt var á þjóðveldisöld samkvæmt lögum Grágásar og var þyngst þeirra. Þeir sem dæmdir voru sekir skógarmenn nutu ekki lengur réttarverndar, voru griðlausir og útskúfaðir úr samfélaginu og réttdræpir hvar sem til þeirra náðist. Skóggangur var refsing sem beitt var í Noregi og þar lögðust menn út í skógum en hér í óbyggðum. Af þekktum íslenskum skóggangsmönnum má nefna Gísla Súrsson og Gretti Ásmundarson.