Sjúkraliðafélag Íslands
Sjúkraliðafélag Íslands er íslenskt stéttarfélag sjúkraliða.
Fagfélag sjúkraliða var stofnað árið 1966 en Sjúkraliðafélag Íslands var stofnað á árinu 1991. Félagsmenn eru um 2000. Félagsmenn starfa bæði við almenna og sérhæfða umönnun sjúklinga. Sjúkraliðar starfa innan heilbrigðiskerfisins, á sjúkrahúsum, heilsugæslustöðvum, dvalar- og hjúkrunarheimilum og á sambýlum fyrir fatlaða.
Sjúkraliðafélag Íslands semur um kaup og kjör félagsmanna við ríkið, Samband íslenskra sveitarfélaga, Reykjavíkurborg og Samtök fyrirtækja í velferðaþjónustu. Félagið er eitt aðildarfélaga BSRB og er aðili að Evrópusamtökum sjúkraliða.
Formenn félagsins
[breyta | breyta frumkóða]- 1966 – 1969 Þórhallur Bjarnason
- 1969 – 1970 Sólveig Jóhannsdóttir
- 1970 – 1973 Sæmundur B. Elínmundarson
- 1973 – 1974 Heiða Waage
- 1974 – 1979 Ingibjörg H. Agnars
- 1979 – 1983 Sigríður Kristinsdóttir
- 1983 – 1986 Margrét S. Einarsdóttir
- 1986 – 1988 Hulda S. Ólafsdóttir
- 1988 – 2018 Kristín Á. Guðmundsdóttir
- 2018 – Sandra B. Franks
Sjá einnig
[breyta | breyta frumkóða]- Bandalag starfsmanna ríkis og bæja