Út við himinbláu sundin er 45-snúninga hljómplata gefin út af SG - hljómplötum árið 1968. Á henni flytja Sextetts Ólafs Gauks, Svanhildur og Rúnar fjögur lög. Forsíðumyndina tók Óli Páll Kristjánsson.
Ennþá tekur Svanhildur fyrir gamlan og góðan vals í líkingu við Húrra, nú œtti að vera ball og Bjössi á Hól, sem voru á tveimur síðustu fjögurra laga plötum sextetts Ólafs Gauks. Valsinn Út við himinbláu sundin er erlendur en varð vinsæll í revíu, sem sýnd var hér á landi fyrir þrjátíu árum. Á þessari plötu eru svo tvö lög eftir Ólaf Gauk og báðir textarnir eftir hann. Þetta eru afbragðs lög, sem vafalaust eiga eftir að njóta sömu vinsælda og fyrri lög Ólafs Gauks. Fjórða lagið er síðan eftir Rúnar Gunnarsson, en hann hefur gert nokkur lög, sem kunn hafa orðið. Textinn er eftir Ólaf Gauk. Fjölbreytni í efnisvali er mikil á þessari hljómplötu og er þetta tvímælalaust bezta fjögurra laga plata sextettsins og sannar hann enn einu sinni ágæti sitt.