Ragnar Bjarnason - Úti í Hamborg

Úr Wikipediu, frjálsa alfræðiritinu
(Endurbeint frá SG 526)
Jump to navigation Jump to search
Ragnar Bjarnason - Úti í Hamborg
Forsíða Ragnar Bjarnason - Úti í Hamborg

Bakhlið Ragnar Bjarnason - Úti í Hamborg
Bakhlið

Gerð SG - 526
Flytjandi Ragnar Bjarnason og hljómsveit hans
Gefin út 1967
Tónlistarstefna Dægurlög
Útgáfufyrirtæki SG - hljómplötur

Ragnar Bjarnason - Úti í Hamborg er 45 snúninga hljómplata gefin út af SG - hljómplötum árið 1967. Á henni flytja Ragnar Bjarnason og hljómsveit hans fjögur lög. Forsíðumyndina tók Kristján Magnússon.

Lagalisti[breyta | breyta frumkóða]

  1. „Úti í Hamborg“ - Lag og texti: Jón Sigurðsson Hljóðdæmi 
  2. „Þarna fer ástin mín“ - Lag - texti: D. Drazier — Jóhanna Erlingsson
  3. „Yndælar stundir með þér“ - Lag - texti: Jón Sigurðsson — Jóhanna Erlingsson
  4. „Hafið lokkar og laðar“ - Lag - texti: Sutton, Sherill — Jóhanna Erlingsson

Textabrot af bakhlið plötuumslags[breyta | breyta frumkóða]

Árið 1967 samdi Jón Sigurðsson bankamaður revíuna „Úr heiðskýru lofti." Hún var aðeins sýnd í örfá skifti, en nógu oft til þess, að Ragnar Bjarnason heyrði lagið „Úti í Hamborg" á einni sýningunni og nokkrum vikum síðar söng Ragnar lag þetta í sjónvarpsþætti og vakti lagið þó nokkra athygli. Þar söng Jón Sigurðsson lagið með Ragnari. En það var ekki Jón Sigurðsson bankamaður heldur Jón Sigurðsson bassaleikari, sem þá var í hljómsveit Ragnars.

Jón Sigurðsson bankamaður hefur áður samið lög, sem kunn hafa orðið svo sem „Einsi kaldi úr Eyjunum " að ógleymdum öllum hans ágætu textum, sem eru óteljandi. Segir nú ekki meir af Jóni Sigurðssyni, bankamanni hér. Hins vegar skal nánar greint frá Jóni Sigurðssyni, bassaleikara. Hann syngur að sjálfsögðu „Úti í Hamborg" með Ragnari auk þess sem hann útsett: öll lögin á plötunni og samdi eitt þeirra. Síðan var það kona Jóns, Jóhanna Erlingsson, sem gerði hvorki meira né minna en þrjá texta á þessari plötu hvern öðrum betri. Segir nú ekki meir af Jóni Sigurðssyni bassaleikara, því nú er kominn tími til að setja plötuna á fóninn og hlusta á hinn ágæta söng Ragnars Bjarnasonar.

 

Úti í Hamborg[breyta | breyta frumkóða]

Manstu kvöldin okkar út í Hamborg,
og ævintýrin mörgu út í Hamborg
Þar gerðist ýmislegt sem einginn veit um
og aldrei skulum neinum segja frá
Þú eltir allar stelpur út í Hamborg
o, ho ekki varstu betri út í Hamborg
Er lagleg hnáta leyndist þar á kvöldin,
já lífið var sem dans á rósum þá.
Við dönsuðum og sungum þar til dagur risinn var
og kreistum fast og kysstum allar kátustu stelpurnar.
Já, ég vild’ ég væri ennþá út í Hamborg
ég ennþá er með hugann út í Hamborg
En kjaftaður bara ekki upp úr svefni
því enginn okkar syndir vita má.
Ljótt var er þú lentir inn í steininn
o, þeir lokuðu mig þar inn árast beinin.
Hvern fjárann varstu að fara inn um gluggann
ha, nú, ég fór að hitta kvenmann svei mér þá
En því gast’ ekki gengið inn um dyrnar
o, sú gamla var sem hundur, bál og þyrnar.
En dóttirin var dásamleg það sver ég
og dúnmjúk hvar sem tók ég henni á.
Já en löggan sá á eftir mér og óðar komin var
mér ekkert þýddi að segja, því þeir skyldu mig ekki þar
Já, ég vild’ ég væri ennþá út í Hamborg
ég ennþá er með hugann út í Hamborg
En kjaftaður bara ekki upp úr svefni
því enginn okkar syndir vita má.
En þegar þú varst eftir varð ég hissa
já, - mér orðið hefur á mörg verri skyssa.
Því betri nætur enginn Íslendingur
sér átti nokkurn tím’ í þýskri höfn
Ég skil ekki ég skyldi koma aftur
o, ja, sko þú varst orðinn bölvaður fylleraftur
En segðu mér, með hverri varst’ að (uss hættu)
ég held sko kjafti núna um öll nöfn
Mér fannst það hlyti að vera eitthvað undarlegt við það
nú ef þú ert með stæla, skal ég spæla þig í spað. (O, svona).
Ég vild’ ég væri ennþá út í Hamborg
ég ennþá er með hugann út í Hamborg
Já en kjaftaður bara ekki upp úr svefni
því enginn okkar syndir vita má,
því enginn okkar syndir vita má.
(„Nei, sérðu þessa, mikið gasalega er hún hugguleg“
„ég á eftir henni“, „nhei, góði, ég sá hana fyrst“.)