Guðmundur Jónsson - Einsöngslög og óperuaríur

Úr Wikipediu, frjálsa alfræðiritinu
(Endurbeint frá SG 155)
Jump to navigation Jump to search
Guðmundur Jónsson - Einsöngslög og óperuaríur
Forsíða Guðmundur Jónsson - Einsöngslög og óperuaríur

Bakhlið Guðmundur Jónsson - Einsöngslög og óperuaríur
Bakhlið

Gerð SG - 155
Flytjandi Guðmundur Jónsson
Gefin út 1982
Tónlistarstefna Einsöngslög og óperuaríur
Útgáfufyrirtæki SG - hljómplötur

Guðmundur Jónsson - Einsöngslög og óperuaríur er 33 snúninga LP hljómplata gefin út af SG - hljómplötum árið 1982. Á henni syngur Guðmundur Jónsson einsöngslög og óperuaríur.

Lagalisti[breyta | breyta frumkóða]

  1. Sólskinsnætur - Lag - texti: Schrader — Tómas Guðmundsson - Ólafur Vignir Albertsson, píanó
  2. Ef aðeins ég lýst gæti í ljóði - Lag - texti: Malashkin — Guðmundur Jónsson - Ólafur Vignir Albertsson, píanó
  3. Ástarsöngur - Lag - texti: Rubinstein — Guðmundur Jónsson - Ólafur Vignir Albertsson, píanó. Nr. 1-3 hljóðritað og flutt í útvarpi vorið 1973
  4. Frosin tár - Lag - texti: Schubert - Wilhelm Müller Þýðandi: Þórður Kristleifsson - Úr Vetrarferðinni eftir Schubert. Fritz Weisshappel, píanó
  5. Hjarta af harmi dofið - Lag - texti: Schubert - Wilhelm Müller Þýðandi: Þórður Kristleifsson - Úr Vetrarferðinni eftir Schubert. Fritz Weisshappel, píanó
  6. Mýrarljós - Lag - texti: Schubert - Wilhelm Müller Þýðandi: Þórður Kristleifsson - Úr Vetrarferðinni eftir Schubert. Fritz Weisshappel, píanó
  7. Krákan - Lag - texti: Schubert - Wilhelm Müller Þýðandi: Þórður Kristleifsson - Úr Vetrarferðinni eftir Schubert. Fritz Weisshappel, píanó Hljóðdæmi 
  8. Skynvilla - Lag - texti: Schubert - Wilhelm Müller Þýðandi: Þórður Kristleifsson - Úr Vetrarferðinni eftir Schubert. Fritz Weisshappel, píanó
  9. Hugrekki - Lag - texti: Schubert - Wilhelm Müller Þýðandi: Þórður Kristleifsson - Úr Vetrarferðinni eftir Schubert. Fritz Weisshappel, píanó - Lögin úr Vetrarferðinni voru hljóðrituð og flutt í útvarpi vorið 1963.
  10. Cavatina úr óperunni Rakaranum í Sevilla - Lag - texti: Rossini — Jakob Jóh. Smári - Sinfóníuhljómsveit Íslands. Stjórnandi: Bohdan Wodiczko
  11. Nautabanasöngurinn úr óperunni Carmen - Lag - texti: Bizet - Sinfóníuhljómsveit Íslands. Stjórnandi: Bohdan Wodiczko
  12. Ölsöngur úr óperunni Marta - Lag - texti: Flotow — Guðmundur Jónsson - Sinfóníuhljómsveit Íslands. Stjórnandi: Bohdan Wodiczko Nr. 19, 11 og 12 hljóðritað á tónleikum í Háskólabiói í janúar 1967.
  13. Parisiamo úr óperunni Rigoletto - Lag - texti: Verdi - Sinfóníuhljómsveit Íslands. Stjórnandi: Dr. Victor Urbancic
  14. Di Provenza úr óperunni La Traviata - Lag - texti: Verdi - Sinfóníuhljómsveit Íslands. Stjórnandi: Dr. Victor Urbancic Nr. 13 hljóðritað á hljómleikum í Þjóðleikhúsinu 1951 og nr. 14 á sama stað 195.3
  15. Aría úr óperunni II Trovatore - Lag - texti: Verdi - Sinfóníuhljómsveit Íslands. Stjórnandi: Warwick Braithwaite Nr. 15 hljóðritað á hljómleikum í Austurbæjarbíói 1956.

Guðmundur Jónsson[breyta | breyta frumkóða]

„Æ, blessaður góði hver heldurðu að kæri sig um að eiga plötu með mínum söng" hefur ætíð verið svarið hjá Guðmundi Jónssyni þegar ég hef fært það í tal við hann á undanförnum árum að tína saman lög á stóra plötu. En loksins tókst það fyrri hluta árs 1982 að Guðmundur gaf sér tíma til að fara yfir ýmsar hljóðritanir af söng hans frá fyrri árum og platan er orðin að veruleika. Og ég er ekki í minnsta vafa um að hver einasti íslendingur kærir sig um að eiga plötu með söng Guðmundar Jónssonar. Enginn annar íslenskur söngvari hefur miðlað okkur af list sinni á undanförnum áratugum sem Guðmundur Jónsson. Það hefur enginn annar íslenskur söngvari sungið fleiri óperuhlutverk hér á landi en Guðmundur Jónsson og það við hin erfiðu skilyrði sem óperuflutningur hefur ætíð verið á Íslandi. Hlutverk þessi hefðu sennilega orðið enn fleiri hefði Guðmundur kosið að starfa utan Íslands, en í söngskrá frá afmælistónleikum Guðmundar þegar hann varð sextugur árið 1980 segir Jón Þórarinsson tónskáld m.a.

Eitt af þeim var titilhlutverk óperunnar „Rigoletto" eftir Verdi, sem hann söng og lék 1951, í fyrstu óperusýningu Þjóðleikhússins, með slíkum snilldarbrag, að ég hygg að flest óperuhús heimsins hefðu talið sér happafeng að fá slíkan listamann í þjónustu sína. Um það leyti mun hann hafa orðið að taka ákvörðun, sem ef til vill hefur ekki verið auðveld: Ætlaði hann að freista gæfunnar á óperusviðum heimsborganna eða vildi hann setjast að hér heima, leggja opnum augum út í okkar íslenzka brauðstrit, en stunda list sína í tómstundum. Þó að Gumundur Jónsson væri flestum betur í stakk búinn til að velja fyrri kostinn, valdi hann þó hinn síðari. Mér er ekki launung á því, að ég taldi þessa ákvörðun ranga á sínum tíma. En nú er ég af hjarta þakklátur fyrir að hún varð ofan á, og það held ég að allir íslendingar séu, enda þótt öll hefðum við unnað Guðmundi Jónssyni hins mesta frama með öðrum þjóðum. Fyrir bragðið höfum við fengið að njóta listar hans lengur og betur en nokkurs annars söngvara.

Efnið á hljómplötu þessari spannar yfir tuttugu ára tímabil á litrikum söngferli Guðmundar Jónssonar, einsöngslög og óperuaríur ásamt nokkrum lögum úr Vetrarferð Schuberts. Guðmundur Jónsson var þremur götum ofar í Vesturbænum en sá er þetta ritar, hann af Öldugötunni en ég af Vesturgötunni, þessvegna hefur hann líklega dregið svona lengi að sýna mér þann heiður að leyfa mér að gefa út alvöru-plötu með söng sínum. En loksins varð af þessu. Guðmundur, ég þakka heiðurinn.