Sögur af landi

Sögur af landi er plata með íslenska tónlistarmanninnum Bubba Morthens sem kom út þann 9. október 1990. Líkt og flestar plötur Bubba á þessum tíma vann hinn sænski Christian Falk plötuna með Hilmari Erni Hilmarssyni. Að sögn Hilmars bætti Falk miklu við lögin.Til dæmis flautukaflann í laginu Síðasti örninn sem og endurskapað lagið Sonnetta. Í viðtali við Bubba í DV sagðist Bubbi vera að vinna að plötu undir nafninu RASK, en því heiti var skipt út fyrir Sögur af landi.

En þrátt fyrir að Bubbi bjóði ekki upp á margt nýtt á Sögum af landi fyrirgefst honum það einfaldlega vegna þess að þetta er skrambi góð plata. Bubbi virðist vera í mjög góðu jafnvægi, sáttur við lífið og tilveruna og umfram allt sjálfan sig. Allt þetta endurspeglast í tónlistinni og ekki síður í textunum sem eru betri og vandaðri en nokkru sinni fyrr Sigurður Þór Salvarsson, gagnrýnandi DV

Sögur af landi var síðasta plata Bubba með Christian Falk. Í ljóði í ljóðabók Öskraðu gat á myrkrið talaði Bubbi um Falk

hann gat tamið öll hljóðfærin

Þau hlýddu honum

eins og sirkusdýr

engin svipa bara ástríða

og fegurð hjartans

Lagalisti

Plata eitt: A-hlið

1. Sonnetta
2. Laugardagsmorgunn
3. Vals fyrir Brynju
4. Fjólublátt flauel
5. Að eilífu ung
6. Blóðbönd

Plata eitt: B-hlið

1. Síðasti örninn
2. Stúlkan sem starir á hafið
3. Guli flamingóinn
4. Syneta

Á geisladiskaútgáfu plötunnar bætust eftirfarandi lög við

1. Sú sem aldrei sefur
2. Í kvöld er talað fátt
3. Hann er laxveiðisjúklingur og veit ekki af því

Á sérútgáfu plötunnar sem kom út þann 6. júní 2006 í tilefni fimmtugsafmælis Bubba bættust eftirfarandi lög við

1. Stúlkan sem starir á hafið (Hjátaka(
2. Syneta (Hjátaka)
3. Vals fyrir Brynju (Hjátaka)
4. Sonnet (af plötunni Icebreakers)
5. Last eagle (af plötunni Icebreakers)
6. Bloodties (Hjátaka)