Ross Cleveland (skip)
Ross Cleveland var breskur síðutogari frá Hull í Bretlandi sem fórst í hamfaraveðrinu í Ísafjarðardjúpi þann 5. febrúar árið 1968 með þeim afleiðingum að 19 manns fórust. Ísing gerði það að verkum að skipið lagðist á hliðina og sökk út af Arnarnesi við Skutulsfjörð. Rétt áður en skipið sökk náði skipstjórinn að senda hinstu kveðju frá skipinu.[1]
| Við erum að fara! Skilið ástarkveðju minni og skipsverja til eiginkvenna okkar og fjölskyldna! | ||
— Phil Gay, skipstjóri Ross Cleveland |
Þrír úr áhöfn komust í björgunarbát en einungis einn þeirra, Harry Eddom, var á lífi þegar bátinn rak á land í Seyðisfirði.[2] Mikið fjölmiðlafár varð hjá breskum dagblöðum þegar fréttist af björgun hans og lenti Úlfur Gunnarsson, yfirlæknir á sjúkrahúsinu á Ísafirði, í handalögmálum við blaðamenn þegar þeir reyndu að brjóta sér leið inn á sjúkrahúsið þar sem Eddom lá.[3]
Ross Cleveland var þriðji togarinn frá Hull sem fórst á innan við mánuði, en St Romanus hvarf í kringum 11. janúar og Kingston Peridot fórst út af Vestfjörðum þann 27. janúar. Slysin þrjú sem kostuðu 58 mannslíf eru þekkt í Bretlandi sem Hull triple trawler tragedy og leiddu til víðtækra breytinga í öryggismálum breskra sjómanna.[4]
Sama dag fórst íslenski vélbáturinn Heiðrún II í Ísafjarðardjúpi og togarinn Notts County strandaði við Snæfjallaströnd. Sex manna áhöfn Heiðrúnar II fórst en varðskipið Óðinn bjargaði 18 af 19 manna áhöfn Notts County.[5]
Áhöfn
[breyta | breyta frumkóða]- Philip Gay - 41 árs, skipstjóri
- Alan Harper - 24 ára
- Barry Rogers - 18 ára, komst um borð í björgunarbát en lést áður en hann náði til lands.[6]
- Bill Howrigg - Var settur veikur í land á Ísafirði í lok janúar og var ekki með skipinu þegar það sökk.[6]
- Dennis Mayes - 42 ára
- Douglas Hairsine - 45 ára
- Frederick Sawdon - 50 ára
- George Keal - 63 ára
- George Ketley
- Harry Eddom - Eini áhafnarmeðlimurinn sem komst af úr slysinu. Var dreginn um borð í björgunarbát af Barry Rogers og Walter Hewitt.[6]
- James McCracken - 17 ára
- Keith Hookem - 17 ára
- Kenneth Brandtman
- Maurice Pettman - 30 ára
- Maurice Swain - 22 ára
- Michael Barnes - 15 ára
- Michael Morris - 21 árs
- Rowland Thomson
- Trevor Thomson - 18 ára
- Walter Hewitt - 30 ára, komst um borð í björgunarbát en lést áður en hann náði til lands.[6]
Tilvísanir
[breyta | breyta frumkóða]- ↑ Orri Páll Ormarsson (4 febrúar 2018). „Skilið ástarkveðju!“. Morgunblaðið. bls. 4. Sótt 26 apríl 2025 – gegnum Tímarit.is.
- ↑ Halla Ólafsdóttir (18 apríl 2019). „Óveður sem skildi samfélög eftir í sárum“. RÚV. Sótt 26 apríl 2025.
- ↑ „30 ár frá mannskaðaveðrinu ægilega á Vestfjörðum“. Bæjarins besta. 2 nóvember 1998. bls. 8–11. Sótt 26 apríl 2025 – gegnum Tímarit.is.
- ↑ „Hull trawler tragedy 50th anniversary marked with service“ (bresk enska). BBC. 4. mars 2018. Sótt 26 apríl 2025.
- ↑ Halla Ólafsdóttir (1 ágúst 2019). „Á Ísafirði 51 ári eftir strand Notts County“. RÚV. Sótt 26 apríl 2025.
- 1 2 3 4 James Campbell; Stuart Russell. „Triple Trawler Tragedy“. tripletrawlertragedy.hulldailymail.co.uk (enska). Hull Daily Mail. Sótt 26 apríl 2025.
