Rannsóknarnefnd samgönguslysa

Úr Wikipediu, frjálsa alfræðiritinu
(Endurbeint frá Rannsóknarnefnd flugslysa)

Rannsóknarnefnd samgönguslysa er ríkisstofnun sem sinnir rannsókn flugslysa, sjóslysa og umferðaslysa á Íslandi til að leiða í ljós orsakir samgönguslysa og samgönguatvika, en ekki að skipta sök eða ábyrgð. Markmiðið er að fækka slysum og auka öryggi í samgöngum með því að efla og bæta slysarannsóknir. Nefndin heyrir stjórnsýslulega undir Samgönguráðherra, en starfar sjálfstætt og óháð stjórnvöldum og öðrum rannsóknaraðilum, ákæruvaldi og dómstólum.

Saga[breyta | breyta frumkóða]

Með lögum um rannsókn samgönguslysa nr. 18/2013 var starfsemi Rannsóknarnefndar flugslysa, Rannsóknarnefndar sjóslysa og Rannsóknarnefndar umferðarslysa sameinuð undir Rannsóknarnefnd samgönguslysa. Nefndirnar þrjár sameinaðar voru sameinaðar í eina sjö manna rannsóknarnefnd samgönguslysa.

Rannsókn nefndarinnar miðar eingöngu að því að leiða í ljós orsakir samgönguslysa og samgönguatvika, en ekki að skipta sök eða ábyrgð. Markmiðið er að draga úr hættu á sams konar slysum og atvikum og afleiðingum sambærilegra slysa.

Hjá Rannsóknarnefndinni starfa 7 manns, það er 6 rannsakendur og einn móttökuritari. Höfuðstöðvar hennar eru í húsi Flugbjörgunarsveitar Reykjavíkur að Flugvallarvegi 7, í Reykjavík.

Tenglar[breyta | breyta frumkóða]