Rafiðnaðarsamband Íslands
Rafiðnaðarsamband Íslands (skammstafað RSÍ) er landssamband stéttarfélaga rafiðnaðarmanna, stofnað 11. nóvember 1970. Stofnfélög voru: Félag íslenskra rafvirkja, Félag rafiðnaðarmanna á Suðurlandi, Rafiðnaðarmannafélag Suðurnesja, Rafvirkjafélag Akureyrar og Félag útvarpsvirkja. Sambandið er starfsgreinasamband og aðili að ASÍ, en félagar eru allir launþegar, sem starfa í rafiðnaðargeiranum, hvort sem þeir hafa löggilt sveinspróf eða ekki.
Formaður er Kristján Þórður Snæbjarnarson.
Starfsemi sambandsins felst í að gæta hagsmuna félagsmanna og fjölskyldna þeirra, bæði gagnvart atvinnurekendum og stjórnvöldum.
Aðildarfélög RSÍ
[breyta | breyta frumkóða]Aðildarfélög RSÍ eru:
- Félag íslenskra rafvirkja
- Félag rafeindavirkja
- Félag íslenskra símamanna
- Félag tæknifólks í rafiðnaði
- Rafiðnaðarfélag Norðurlands
- Félag rafiðnaðarmanna á Suðurlandi
- Rafiðnaðarmannafélag Suðurnesja
- Félag símsmiða
- Félag sýningarstjóra í kvikmyndahúsum
- Félag nema í rafiðnum