Perlusteinn
Perlusteinn er glerkennt afbrigði af líparíti.
Lýsing[breyta | breyta frumkóða]
Perlusteinn er grár, sallakenndur með fitu- og glergljáa. Vanalega dökkar kúlur eða smáeitlar í honum. Brotnar við veðrun og myndar perlulaga kúlur. Vatnsríkur með í kringum >5% vatnsinnihald. Út af vatninu þá þenst hann út þegar hann er hitaður.
Perlusteinn og biksteinn eru eldfjallagler eins og hrafntinna. Hrafntinna myndast þar sem eldvirkni er súr. Ef of mikið vatn er bundið í kviku þegar hún kólnar myndast perlusteinn eða biksteinn.
Uppruni og útbreiðsla[breyta | breyta frumkóða]
Finnast aðallega með líparítkviku sem hefur komið upp í vatni eða jökli og storknað áður en vatnið skildist frá. Finnst mjög mikið í Prestahnúki austan við Kaldadal og í Loðmundarfirði.
Heimildir[breyta | breyta frumkóða]
- Kristján Sæmundsson og Einar Gunnlaugsson (1999) Íslenska steinabókin. ISBN 9979-3-1856-2
- Kristján Jónasson og Helgi Torfason (2006) Hrafntinna í Hrafntinnuhrygg, Hrafntinnuskeri og Austurbjöllum
- Útflutningur og vinnsla á perlustein (nemendaritgerð)
