Loðmundarfjörður

Úr Wikipediu, frjálsa alfræðiritinu
Ós Fjarðarár í Loðmundarfirði.

Loðmundarfjörður er fjörður norðarlega á Austfjörðum, á milli Seyðisfjarðar og Borgarfjarðar eystra. Norðan við Loðmundarfjörð er Húsavík. Loðmundarfjörður er í eyði, en þar eru hreindýr og búfjár á beit. Áður fyrr var Loðmundarfjörður sérstakt sveitarfélag, Loðmundarfjarðarhreppur, en var sameinaður Borgarfjarðarhreppi 1. janúar 1973.

Helstu kennileiti og fjallvegir[breyta | breyta frumkóða]

Loðmundarfjörður er fremur stuttur og snýr sem næst í austur-vestur. Hann er umgirtur fjöllum, sem torvelda samgöngur. Helstu fjöll eru: Að sunnanverðu Rjúpnafell ytra og innra, Gunnhildur og Árnastaðfjall. Fyrir fjarðarbotni, milli Bárðarstaðadals og Hraundals, eru Herfell, Miðfell og Karlfell (Kallfell). Að norðanverðu eru: Kerlingarfjall, Skúmhöttur, Bungufell og Skælingur. Yst er Álftavíkurfjall.

Eitt mesta berghlaup á Íslandi, Loðmundarskriður eða Stakkahlíðarhraun, er í firðinum.

Sæmilegur jeppavegur er frá Borgarfirði um Húsavíkurheiði og Nesháls til Loðmundarfjarðar. Fornir fjallvegir og gönguleiðir eru: Kækjuskörð til Borgarfjarðar, að Gilsárteigi í Eiðaþinghá, Árnastaðaskörð og Hjálmárdalsheiði til Seyðisfjarðar.

Býli í Loðmundarfirði[breyta | breyta frumkóða]

Byggðin í Loðmundarfirði skiptist um Fjarðará í Suðurbyggð og Norðurbyggð.

Suðurbyggð:

Örnefni benda til að í fornöld hafi býlið Hof verið á milli Sævarenda og Árnastaða.

Norðurbyggð:

Saga og menning[breyta | breyta frumkóða]

Í Loðmundarfirði hefur þýski listmálarinn Bernd Koberling dvalist allmörg sumur og málað þar sérstæðar myndir, einkum vatnslitaverk.

Tenglar[breyta | breyta frumkóða]