Pí-dagur
Tveir dagar eru kenndir við pí (π): Pí-dagur (π-dagur) og Nálgunardagur pí. Dagar þessir eru ekki opinberir hátíðisdagar.
Pí-dagur
[breyta | breyta frumkóða]14. mars er haldið upp á pí-dag. Ástæðan fyrir því að þessi dagur er valinn fram yfir aðra er sú að π námunduð að tveimur aukastöfum er 3,14, og þar sem mars er þriðji mánuðurinn varð fjórtándi þess mánaðar fyrir valinu (sbr. 3/14 rithátt í bandaríkjunum fyrir daginn).
Margur lætur þó ekki 14. mars nægja heldur skoðar π með fimm aukastöfum (3,14159) og heldur upp á daginn þegar eina mínútu vantar í tvö um nóttina (klukkan 1:59). Á tímapunkti þessum hefjast teiti í stærðfræðideildum ýmissa skóla víðsvegar um heim.
Nálgunardagur pí
[breyta | breyta frumkóða]22. júlí er svo haldið upp á Nálgunardag pí. Þessi dagsetning er í sumum dagsetningarsniðum skrifuð 22/7 en brotið er algeng nálgun á π. Skekkjan er aðeins um 0,04%.
