Mismengi

Mismengi, mismunamengi eða mengjamismunur er mengi, sem venslað er tveimur öðrum mengjum þannig að stök mismengis eru þau stök annars mengisins, sem ekki eru einnig stök í hinu. Til að tákna mismengi eru oftast notuð táknin ,,\" eða ,,-" og lesið ,,mis".

Dæmi: Tökum tvö mengi A og B:

1. $A\setminus B=\{x\in A\,|\,x\notin B\}$ er mengi staka í A, sem ekki eru stöku í B
2. $B\setminus A=\{x\in B\,|\,x\notin A\}$ er mengi staka í B, sem ekki eru stök í A.

Mismengið U \ A, þar sem U er grunnmengi, nefnist fyllimengi mengisins A.