Mikines

Sámal Elias Frederik Joensen-Mikines (fæddur í Mykinesi 23. febrúar 1906, dáinn í Kaupmannahöfn 21. september 1979) var færeyskur myndlistarmaður og frægasti listmálari Færeyinga. Reyndar telst Mikines faðir færeyskrar myndlistar.

Myndlist lærði hann við Akademíuna í Kaupmannahöfn á árunum 1928 til 1932. Upp frá því helgaði hann myndlistinni krafta sína. Að námi loknu snéri Mikines heim til Færeyja og bjó þá ýmist á Mykinesi eða Þórshöfn, en einnig í Kaupmannahöfn. Heimaslóðanna vitjaði hann nánast á hverju sumri og viðaði að sér efni í list sína. Á sjöunda áratugi 20. aldar sótti hann einnig myndefni til Borgundarhólms.

Verk Mikines eru í norrænum anda expressjónismans. Forgengileiki mannlegrar tilveru og stórbrotin náttúra, með manninn sem hluta hennar eru algeng viðfangsefni í verkum hans.

Árið 2006 gaf forlag Einars Matthíassonar, Nesútgáfan, út vandað listaverkarit með myndum eftir Mikines. Textinn er eftir Aðalstein Ingólfsson.

Myndir eftir Mikines

• 
  Hvítanes og Skálafjørður
• 
  Teir leggja av landi. Frímerki frá 1996
• 
  Mykineskona, 1934, 56*42cm, Listasafnið í Tórshavn. Frímerki frá 1996
• 
  Líkskari , 1951, 60*88cm, einkaeign, frímerki frá 1991.
• 
  Fráferðin , 1955, 100x150cm, Listasavn Føroya.
• 
  Handanágarður, 1957, 65x80cm, einkaeign
• 
  Vetrarmorgun, 1958, 105x120cm, Listasavn Føroya.

  Þetta æviágrip sem tengist myndlist er stubbur. Þú getur hjálpað til með því að bæta við greinina.