Ludo sextett - Laus og liðugur

Úr Wikipediu, frjálsa alfræðiritinu
Jump to navigation Jump to search
Lúdó Sextett - Laus og liðugur
Forsíða Ludo sextett - Laus og liðugur

Bakhlið Ludo sextett - Laus og liðugur
Bakhlið

Gerð SG - 513
Flytjandi Lúdó Sextett
Gefin út 1966
Tónlistarstefna Dægurlög
Útgáfufyrirtæki SG - hljómplötur

Lúdó Sextett - Laus og liðugur er 45-snúninga hljómplata gefin út af SG - hljómplötum árið 1966. Á henni flytja söngvararnir Stefán Jónsson og Þuríður Sigurðardóttir ásamt Lúdó Sextett fjögur lög.

Lagalisti[breyta | breyta frumkóða]

  1. „Er nokkuð eðlilegra“ - Lag - texti: Mills, Reed - Ómar Ragnarsson
  2. „Ég bíð einn“ - Lag - texti: Smith, Mc Carthy - Ómar Ragnarsson
  3. „Laus og liðugur“ - Lag - texti: Jónatan Ólafsson - Númi Þorbergsson Hljóðdæmi 
  4. „Elskaðu mig“ - Lag - texti: Bono - Ómar Ragnarsson


Laus og liðugur[breyta | breyta frumkóða]

Sigurður er sjómaður sannur vesturbæingur.
Alltaf fer hann upplagður út að skemmta sér.
Dansar hann við dömurnar, dásamaður allsstaðar,
við ungar jafnt sem aldraðar út á gólfið fer.
Í vínarkrus og vals og ræl, hann vindur sér á tá og hæl,
þolir ekki vol né væl, vaskur maður er.
Kátur syngur Sigurður: “Svona er að vera einhleypur“.
Alltaf laus og liðugur - líkar þetta mér.


Textabrot af bakhlið plötuumslags[breyta | breyta frumkóða]

Lúdó-Sextettinn hefur um árabil verið ein vinsœlasta hljómsveitin á Íslandi og má merkilegt teljast að þessi ágœta hljómsveit skuli ekki hafa leikið inn á fleiri en eina hljómplötu. Úr þessu bœta SG-hljómplötur og hefur málið reyndar verið í undirbúningi í nokkra mánuði, þar sem höndunum hefur ekki verið kastað til þess að velja lög inn á þessa fyrstu plötu Lúdó-Sextettins fyrir SG-hljómplötur.

Fyrsta lagið hefur Stefán Jónsson, söngvari þeirra Lúdó-manna sungið undanfarið með enskum texta og gert því hin beztu skil. Ómar Ragnarsson hefur gert ógœtan íslenzkan texta við lagið. Textinn við nœsta lag er líka eftir Ómar, tregablandinn texti við drungalegt lag. Þetta lag gerði ensk hljómsveit vinsœlt en varla leikur vafi á, að hin ágœta meðferð Stefáns og Lúdó-Sextettins ásamt kór, sem aðstoðar mun gera þetta sérstœða lag vinsœlt hér á landi. Þriðja lagið er íslenzkt. Það er eftir Jónatan Ólafsson við texta Núma Þorbergssonar og hlaut fyrstu verðlaun í danslagakeppni SKT 1961. Kemur það nú á hljómplötu í fyrsta skipti og gera þeir félagar hinni ágœtu útsetningu Jóns Sigurðssonar á laginu hin beztu skil. Fjórða lagið syngur 16 ára gömul söngkona og Stefán. Hún heitir Þuríður Sigurðardóttir og er einmitt bróðurdóttir Jónatans Ólafssonar því hún er dóttir hins landskunna söngvara Sigurðar Ólafssonar. Þuríður hefur stöku sinnum sungið með Lúdó-Sextettinum og er eins og heyra má efnileg söngkona.