Langvinn lungnateppa

Langvinn lungnateppa (orðið merkir hindrun á loftflæði til lungna sem endist lengi; enskt heiti: chronic obstructive pulmonary disease, COPD) er samheiti yfir lungnasjúkdóma sem valda langtíma öndunarerfiðleikum og skertu loftflæði til lungna (þetta kallast teppusjúkdómar). Sjúklingar eiga erfitt með að anda og hósta upp slími. Langvinn lungnateppa er algengur sjúkdómur sem dregur marga til dauða. Sjúkdómurinn er viðvarandi og fer vanalega sífellt versnandi.

Langvinn berkjubólga, lungnaþemba, og astmi á lokastigi eru eldri hugtök yfir það sem nú flokkast undir langvinna lungnateppu.

Helsta orsök langvinnrar lungnateppu eru reykingar. Aðrir minni áhættuþættir eru svifryksmengun og erfðaþættir. Eftir að lungun hafa verið lengi í snertingu við ertandi efnin í reyk byrja þau að mynda bólguviðbragð sem þrengir að lungnapípunum og brýtur niður lungnavefinn.

Tenglar

• Langvinn lungnateppa – Upplýsingar fyrir sjúklinga og aðstandendur. Geymt 21 október 2017 í Wayback Machine Landspítalinn.
• Hvað getið þið sagt mér um langvinna lungnateppu? Hulda Þórisdóttir. Vísindavefurinn, 2006 .

  Þessi heilsugrein er stubbur. Þú getur hjálpað til með því að bæta við greinina.